Sindhudurg News: सिंधुदुर्गनगरी जिल्ह्याच्या अनेक भागात सोमवारी (ता.२०)सायंकाळी विजांच्या लखलखाटांसह पावसाच्या सरी कोसळल्या. वैभववाडी, कणकवली तालुक्याच्या पुर्वपट्टयात पावसाचा जोर अधिक होता. त्यामुळे भातपीक कापणीत अडथळा निर्माण झाला आहे. .जिल्ह्यात पाऊस थांबण्याची कोणतीही चिन्हे दिसत नाहीत. हजारो हेक्टरवरील भातपीक परिपक्व झाले असून पाच सहा हजार हेक्टर भातपीक परिपक्व झाल्यानंतर महिनाभराचा कालावधी उलटला आहे. परंतु सतत पावसाचे संकट असल्याने शेतकऱ्यांना पूर्ण क्षमतेने पिकाची कापणी करता आलेली नाही. शेतकऱ्यांत अस्वस्थतेचे वातावरण आहे. .Crop Insurance : सिंधुदुर्ग जिल्ह्यातील ८ हजार शेतकऱ्यांचा खरीप पीकविमा योजनेत सहभाग.रविवारी रात्री दोडामार्ग तालुक्यात विजांच्या गडगडाटांसह मुसळधार पाऊस झाला. या परिसराला पावसाने अक्षरक्ष झोडपून काढले. त्यानंतर सोमवारी सकाळपासून जिल्ह्यात कडक उन्हं पडले होते. परंतु वातावरणात प्रचंड उकाडा जाणवत होता. अंगातून घामाच्या धारा वाहत होत्या. .Monsoon Rainfall: राज्यात २६५ तालुक्यांत शंभर टक्क्यांहून अधिक पाऊस.अकरा-बारा वाजल्यानंतर काही भागात ढगाळ वातावरण निर्माण झाले. परंतु तरीदेखील भातपिकाची कापणी सुरूच होती. सायकांळी साडेपाच वाजण्याच्या सुमारास मात्र वैभववाडी तालुक्यात पावसाला सुरवात झाली..डोंगरपायथ्याच्या गावात जोरदार तर शहर परिसरात मध्यम स्वरूपाच्या सरी कोसळल्या. रात्री उशिरापर्यंत विजांच्या लखलखाटांसह कणकवली, कुडाळ, सावंतवाडी तालुक्याच्या अनेक भागात पावसाच्या सरी सुरू होत्या. सतत पडणाऱ्या पावसामुळे भात उत्पादक शेतकरी मेटाकुटीस आला आहे. कापणी केलेल्या पिकांची बांधणी करताना शेतकऱ्यांची चांगलीच दमछाक झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
