Sindhudurg Agriculture Challenges: सिंधुदुर्गनगरी जिल्ह्यातील अनेक गावांमधील भातपिकांवर करपा रोगाचा प्रादुर्भाव झाला आहे. भातपिकाचा रंग बदलू लागल्याने शेतकरी हवालदिल झाले आहेत. ऊन-पावसामुळे हा प्रादुर्भाव दिवसेंदिवस वाढत असल्याचे चित्र आहे..जिल्ह्यात यंदा सरासरीच्या ३४ टक्के पावसाची तूट आहे. पावसाचे प्रमाण कमी राहिले. त्यातच भातरोपांची लागवड केल्यानंतर अनेक दिवस जिल्ह्यात ऊन-पावसाचे वातावरण राहिले. त्याचा विपरीत परिणाम पिकांवर होऊ लागला आहे. या वातावरणामुळे भातपिकांवर करपा रोगाचा प्रादुर्भाव वाढत आहे..Paddy Procurement: केंद्राकडून खरिपातील ७०८ लाख टन धान खरेदीचे उद्दिष्ट, गेल्या तीन वर्षांच्या तुलनेत कमी.करपा रोगामुळे अनेक भागांतील भातपिकांची वाढ खुंटली आहे. काही शेतकऱ्यांनी कृषी विभागाच्या सल्ल्याने फवारणी केली. मात्र त्याचा अपेक्षित परिणाम होत नसल्याचे शेतकऱ्यांचे म्हणणे आहे. कुडाळ, देवगड, कणकवली आणि वैभववाडी तालुक्यांतील अनेक गावांमध्ये भातशेतीवर करपा रोगाचा प्रादुर्भाव झाला आहे..Paddy Farming: पावसामुळे बळीराजा जोमात.आतापर्यंत भाताच्या पानांवर कमी प्रमाणात दिसणारे पिवळसर-तपकिरी रंगाचे छोटे ठिपके व चट्टे आता मोठ्या प्रमाणात दिसून येऊ लागले आहेत. पिकांचा रंग बदलण्यास सुरुवात झाली आहे. ऐन फुलोऱ्याच्या कालावधीत रोगाचा प्रादुर्भाव सुरू झाल्याने शेतकऱ्यांमध्ये चिंतेचे वातावरण आहे..कृषी विभागाकडून काही गावांतील भातपिकांची पाहणी करण्यात आली आहे. तसेच करपा रोगाच्या नियंत्रणासाठी बुरशीनाशकांच्या फवारणीची शिफारस केली जात आहे. मात्र सततच्या ऊन-पावसामुळे हा प्रादुर्भाव कमी होण्याऐवजी वाढत असल्याचे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
