Sindhudurg News : सिंधुदुर्ग जिल्ह्यातील आंबा, काजू बागायतदारांना ९० कोटी रुपये फळपीक विमा परतावा मिळणार आहे. पीकविमा परताव्याचा प्रारंभ गुरुवारी (ता. १६) जिल्हाधिकारी कार्यालयात १७ शेतकऱ्यांना प्रतिकात्मक धनादेश देऊन करण्यात आला. शुक्रवारपासून जिल्ह्यातील २५ मंडलांतील शेतकऱ्यांच्या खात्यात पीकविमा परताव्याची रक्कम जमा होण्यास सुरुवात होणार आहे. .जिल्ह्यातील ४३ हजार २१९ शेतकऱ्यांनी आंबा आणि काजूचे १७,५७७ हेक्टर क्षेत्राचे विमा संरक्षण घेतले आहे. जोखीम कालावधी संपून तीन चार महिन्यांचा कालावधी उलटला तरी आंबा, काजू उत्पादकांना विमा परतावा मिळाला नव्हता. त्यामुळे शेतकऱ्यांकडून कृषी विभागाकडे सतत विचारणा केली जात होती. .Fruit Crop Insurance: वर्धा, नागपूर जिल्ह्यांसाठी फळपीक विमा योजनेला सुरुवात .९ ऑक्टोबरला महाविकास आघाडीने ढोल बजाओ आंदोलन छेडले. त्यानंतर दोन तीन दिवसांनी पालकमंत्री नीतेश राणे यांनी मुंबईत कृषिमंत्री, फलोत्पादन मंत्री, विमा कंपनीचे वरिष्ठ अधिकारी यांची संयुक्त बैठक आयोजित केली होती. .Crop Insurance : विमा भरला १५ हजार अन् मिळाले ५९९४ रुपये .या बैठकीत दिवाळीपूर्वी शेतकऱ्यांना पीकविमा परतावा देण्यात यावा, अशी मागणी पालकमंत्री श्री. राणे यांनी केली होती. विमा कंपनीने देखील दिवाळीपूर्वी परतावा दिला जाईल, असे स्पष्ट केले होते. दरम्यान गुरुवारी जिल्हाधिकारी कार्यालयात पीक परतावा प्रतिकात्मक धनादेशांचे वितरण करण्यात आले. या कार्यक्रमाला पालकमंत्री श्री. राणे हे दूरदृष्य प्रणालीद्वारे उपस्थित होते. .या कार्यक्रमाला अप्पर जिल्हाधिकारी शुभांगी साठे, जिल्हा कृषी अधीक्षक भाग्यश्री नाईकनवरे, विमा कंपनीचे विभागीय व्यवस्थापक बी. प्रभाकर, अनिल कुंभारे आदी उपस्थित होते. जिल्ह्यातील आंबा, काजू बागायतदारांना सुमारे ९० कोटी पीकविमा परतावा मंजूर झाला आहे. आंब्याला प्रतिहेक्टरी अधिकतम ८६ हजार ८२१ तर काजूला अधिकतम ५७ हजार ७०० रुपये पीकविमा मंजूर झाला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
