Sindhudurg News : खरीप पीकविमा योजनेअंतर्गत जिल्ह्यातील ८ हजार ९८० शेतकऱ्यांनी सहभाग घेतला असून १ हजार ७०० भात आणि नाचणी पीक क्षेत्र संरक्षित केले आहे. एक रुपयांत विमा योजना गुंडाळल्यामुळे या योजनेला अल्प प्रतिसाद मिळाला आहे..सिंधुदुर्ग जिल्ह्यात खरीप हंगामात सर्वाधिक क्षेत्रावर भातपीक लागवड केली जाते. जिल्ह्यातील भातपीक लागवडीखालील क्षेत्र यावर्षी ६ ते ८ हजार हेक्टरने घटले आहे. यावर्षी ५४ हजार हेक्टरवर भातपीक लागवड झाल्याचा कृषी विभागाचा अंदाज आहे. याशिवाय ३ हजार हेक्टरवर नाचणी लागवड झाली आहे..Crop Insurance : पीकविमा अर्जाची संख्या ४२ हजार ५९५ ने घटली.अतिवृष्टी, पूर, वादळीवारे, यासह विविध नैसर्गिक आपत्तींमुळे नुकसान झालेल्या शेतकऱ्यांना दिलासा मिळावा म्हणून शासनाने खरीप हंगामातील पिकांसाठी पीकविमा योजना राबविण्याचा निर्णय घेतला. गेल्या वर्षी शासनाने १ रुपयांत पीकविमा योजना राबविली. सिंधुदुर्ग जिल्ह्यातील भात आणि नाचणी या दोन पिकांचा या योजनेत समावेश होता. .१ रुपयांत पीकविमा असल्याने जिल्ह्यातील २४ हजार २७२ भात आणि नाचणी उत्पादक शेतकऱ्यांनी ५ हजार २१८ हेक्टर क्षेत्र विमा संरक्षित केले होते. परंतु यावर्षी शासनाने १ रुपयातील विमा योजना गुंडाळली. .Crop Insurance : दोन हजार शेतकऱ्यांनी घेतला फळ पीकविमा.शासनाने सुधारित पीकविमा योजना राबविण्याचा निर्णय घेतला. या योजनेत भातपिकाकरिता हेक्टरी ४५७.५ रुपये तर नाचणी पिकाकरिता हेक्टरी १०० रुपये भरून विमा क्षेत्र संरक्षित करावे लागत आहे. त्यामुळे या पीकविमा योजनेला सुरुवातीपासून थंड प्रतिसाद मिळाला..विमा भरण्याची मुदत १४ सप्टेंबरपर्यंत होती. जिल्ह्यातील भात आणि नाचणी अशा आतापर्यंत केवळ ८ हजार ९८० शेतकऱ्यांनी १ हजार ७०० हेक्टर क्षेत्र विमा संरक्षित केले आहे. यामध्ये बिगरकर्जदार ७९७० आणि कर्जदार १०१० शेतकऱ्यांचा समावेश आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
