Sindhudurg Farmers: काजू कलमांचा दर्जा, कृषी सहायकांच्या शेतकरी भेटी, फळपीक विम्यातील कथित अनियमितता आणि बनावट गांडूळ खताच्या विक्रीच्या मुद्द्यांवरून जिल्हा परिषद कृषी समितीच्या सभेत सदस्य आक्रमक झाले. विविध योजनांचा लाभ गरजू शेतकऱ्यांपर्यंत पोहोचत नसल्याचा आरोप करीत सदस्यांनी कृषी विभागाच्या अधिकाऱ्यांना धारेवर धरले..जिल्हा परिषद कृषी समितीची मासिक सभा जिल्हा परिषद उपाध्यक्ष तुकाराम साईल यांच्या अध्यक्षतेखाली झाली. सभेला सचिन कांबळे, संदीप गावडे, मायकल डिसोझा, विजय नाईक, अक्षता गावडे, सुजाता पडवळ आणि शोभा गावडे उपस्थित होते..Farm Loan Waiver: कर्जमाफी नव्हे, कर्जवसुली मोहीम; सरकारच्या शेतकरी धोरणांवर आमदार दानवेंचा जोरदार हल्लाबोल.कृषी विद्यापीठाने काजूवर संशोधन करून विविध नवीन वाण विकसित केले आहेत. मात्र प्रत्यक्षात शेतकऱ्यांना अपेक्षित उत्पादन मिळत नसेल, तर अशा संशोधनाचा उपयोग काय, असा सवाल सदस्य मायकल डिसोझा यांनी उपस्थित केला. नव्याने विकसित केलेल्या काजू वाणांची संशोधन केंद्रांनी प्रथम स्वतः लागवड करावी. त्यातून अपेक्षित उत्पादन मिळत असल्याचे सिद्ध झाल्यानंतरच शेतकऱ्यांना त्या वाणांच्या लागवडीची शिफारस करावी, अशी सूचना त्यांनी केली..Farming Success Story: सर्जेरावबापूंची पेरणी गुंठ्यात, हिशेब मात्र लाखमोलाचा !!.दोन वर्षांची सक्षम कलमे देण्याची मागणी‘मागेल त्याला काजू कलमे’ योजनेत दिल्या जाणाऱ्या रोपांच्या दर्जाबाबतही सभेत प्रश्न उपस्थित करण्यात आला. योजनेत पुरविण्यात येणाऱ्या रोपांचा दर्जा संशयास्पद असल्याचा आरोप सदस्य विजय नाईक यांनी केला. एक वर्षाची रोपे दिल्यामुळे ती जगण्याचे प्रमाण कमी असल्याचे सांगण्यात आले. त्यामुळे एक वर्षाच्या रोपांऐवजी दोन वर्षांची सक्षम कलमे शेतकऱ्यांना द्यावीत, अशी सूचना डिसोझा यांनी केली..यापुढे कृषी अधिकाऱ्यांनी शेतकरी भेटींचे ‘व्हिजिट रजिस्टर’ ठेवावे. प्रत्यक्ष भेट दिलेल्या शेतकऱ्यांची त्यावर स्वाक्षरी घ्यावी आणि या भेटींचा अहवाल कृषी समितीच्या सभेत सादर करावा, अशी सूचना उपाध्यक्ष तुकाराम साईल यांनी केली..कृषी सहायकांच्या कामकाजावर नाराजीकृषी सहायक प्रत्यक्ष शेतकऱ्यांच्या बांधावर जात नसल्याच्या मुद्द्यावरून सभेत तीव्र नाराजी व्यक्त करण्यात आली. कृषी सहायक ग्रामपंचायतीत बसून अहवाल तयार करतात. प्रत्येक गावातील ठरावीक शेतकऱ्यांनाच योजनांची माहिती मिळते; मात्र खऱ्या गरजवंत शेतकऱ्यांपर्यंत योजनांची माहिती आणि लाभ पोहोचत नाही, असा आरोप डिसोझा यांनी केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
