Solapur News : सीना नदीच्या महापुराने जिल्हा परिषदेच्या मालमत्तांचे मोठ्या प्रमाणात नुकसान झाले असून, सर्वाधिक फटका रस्त्यांना बसला आहे. जिल्ह्यातील ७०० हून अधिक रस्ते बाधित झाले आहेत. त्यात माढा आणि मोहोळ तालुके सर्वाधिक प्रभावित आहेत. .याशिवाय ५३ ग्रामपंचायतींच्या इमारती, ३४७ प्राथमिक शाळा, २८४ अंगणवाड्या, ९३ स्मशानभूमी, ९६ पाझर तलाव तसेच २४ प्राथमिक आरोग्य केंद्रांतही पुराचे पाणी शिरल्याने नुकसान झाले आहे, अशी माहिती जिल्हा परिषदेचे मुख्य कार्यकारी अधिकारी कुलदीप जंगम यांनी दिली..Solapur Flood : पूर ओसरताच दिसू लागले उसाचे चिपाड.महापुराचे पाणी ओसरल्यानंतर निवारा केंद्रांतील कुटुंबे आता घरांकडे परतली असून, स्वच्छतेचे काम सुरू आहे. मात्र, सध्या या कुटुंबांकडे मदतीशिवाय अन्य कोणतेही साहित्य नाही. प्रशासनाकडून १२ हजार दिवाळी किटचे वाटप करण्यात येणार असून आतापर्यंत २ हजार किटचे वाटप होनमुर्गी (ता. दक्षिण सोलापूर) येथे करण्यात आले आहे. पूराचे पाणी घरात शिरल्याने विद्यार्थ्यांचे शालेय साहित्य मोठ्या प्रमाणात वाहून गेले आहे..आतापर्यंत ६,२७५ विद्यार्थ्यांचे साहित्य पूर्णतः खराब झाले असून, ही संख्या ७ हजारांपर्यंत जाण्याची शक्यता आहे. या सर्व विद्यार्थ्यांना प्रशासनाकडून नवीन शालेय बॅग आणि साहित्याचे वाटप करण्यात येणार आहे. तसेच प्रत्येक पूरग्रस्त गावात स्वच्छतेचे नियोजन केले आहे..Solapur Flood: पुराच्या पाण्याने आयुष्याची घडीच विस्कटली... .आतापर्यंत ६५ गावांमध्ये स्वच्छता मोहीम राबवली असून ८८ गावांना पिण्याच्या पाण्यासाठी टँकरद्वारे पाणीपुरवठा केला जात आहे. तसेच नागरिकांच्या सोयीसाठी जारचे वाटप देखील करण्यात आले आहे, असे जंगम यांनी सांगितले..रस्त्याच्या दुरुस्तीसाठी ५ कोटी रुपये खर्चणारपूरात खराब झालेल्या ७०० रस्त्यांपैकी ९६ रस्ते अत्यंत नादुरुस्त स्थितीत असल्याने या रस्त्यांची तातडीने दुरुस्ती करण्याचा निर्णय घेण्यात आला आहे. आतापर्यंत ८७ रस्त्यांची अंदाजपत्रके तयार करण्यात आली असून, या दुरुस्तीसाठी ५ कोटी रुपयांचा निधी लागणार आहे. रस्ता वाहून जाणे, खड्डे पडणे आणि पाण्यामुळे पृष्ठभाग खचल्याने या रस्त्यांवर खडीकरण आणि मुरुमीकरणाचे काम करण्यात येणार आहे, असे सीईओ जंगम यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.