Simhastha Parikrama Route Farmer Protest: ‘‘सिंहस्थ कुंभमेळा परिक्रमा मार्ग प्रकल्पग्रस्त शेतकऱ्यांच्या न्याय्य मागण्यांसाठी सुरू असलेल्या अन्नत्याग आंदोलनाचा शनिवारी (ता. १८) चौथा दिवस झाला. आंदोलनाला दिवसेंदिवस विविध राजकीय, सामाजिक आणि शेतकरी संघटनांचा पाठिंबा वाढत असताना प्रशासनाकडून केवळ आश्वासने आणि वेळकाढूपणाचे धोरण अवलंबले जात असल्याचा आरोप आंदोलकांनी केला. "प्रशासनाने शेतकऱ्यांच्या संयमाची परीक्षा घेऊ नये,’’ असा इशारा त्यांनी दिला..शुक्रवारी (ता. १७) आंदोलनस्थळी विविध राजकीय, सामाजिक आणि शेतकरी संघटनांच्या प्रतिनिधींनी भेट देऊन आंदोलनाला जाहीर पाठिंबा दिला. यामध्ये माजी आमदार नरेंद्र दराडे, माजी आमदार जीवा पांडू गावित, ॲड. शिवाजी सहाने, शिवसेना (उद्धव बाळासाहेब ठाकरे) पक्षाचे गटनेते केशव पोरजे,.Shaktipeeth Project Protest: ...अन्यथा तुमची थडगी बांधायलाही मागे हटणार नाही.नगरसेवक योगेश भोर, नगरसेविका इंदुबाई नागरे, सामाजिक कार्यकर्ते धीरज शेळके, भाजप किसान मोर्चाचे शहर जिल्हाध्यक्ष बापू पिंगळे, अखिल भारतीय मराठा महासंघाचे जिल्हाध्यक्ष चंद्रकांत बनकर, गवळवाडी शेतकरी संघर्ष कृती समिती तसेच संभाजी ब्रिगेडचे जिल्हाप्रमुख प्रफुल वाघ आदींचा समावेश होता..Farmers Protest: शेतकऱ्यांनी रोखला महामार्ग; वाहतूक विस्कळीत.प्रशासनाच्या भूमिकेवर आक्षेपजिल्हाधिकारी आयुष प्रसाद यांच्या भूमिकेवर आंदोलकांनी नाराजी व्यक्त केली. शेतकऱ्यांची दिशाभूल करून जबरदस्तीने भूसंपादन करण्याचा प्रयत्न तात्काळ थांबवावा, अशी मागणी त्यांनी केली. शिष्टमंडळाला चर्चेसाठी बोलावूनही बैठकीत कोणताही ठोस निर्णय न घेता उडवाउडवीची उत्तरे दिली जात असल्याचा आरोप आंदोलकांनी केला..शेतकरी प्रतिनिधींच्या मते, त्यांच्या केवळ दोन प्रमुख मागण्या मुख्यमंत्री देवेंद्र फडणवीस यांच्या स्तरावरील आहेत. उर्वरित अनेक मागण्या जिल्हाधिकारी स्तरावर आदेश देऊन निकाली काढता येऊ शकतात. असे असतानाही ‘‘मुख्यमंत्र्यांसोबत बैठक घेण्यासाठी राजकीय संबंधांचा वापर करा,’’ असा सल्ला प्रशासनाकडून दिला जात असल्याने प्रशासनाच्या भूमिकेवर प्रश्नचिन्ह उपस्थित करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
