Gold Silver Prices Hit Record High: सोने, चांदी दराने सर्व विक्रम मोडीत काढले आहेत. चांदीने आज ४ लाख रुपयांचा टप्पा पार केला. तर सोन्याचा प्रतितोळ्याचा दर १.८० लाखांवर पोहोचला. गुंतवणूकदारांकडून जोरदार मागणी आणि आंतरराष्ट्रीय बाजारांतील विक्रमी वाढीच्या जोरावर सोने, चांदी दरात दमदार तेजी दिसून आली..मल्टी कमोडिटी एक्सचेंज (MCX) वर, मार्च डिलिव्हरीच्या चांदीचा वायदा भाव २२ हजार रुपयांनी म्हणजेच ५.७३ टक्क्यांनी वाढून प्रति किलो ४ लाख ७ हजार ४५६ रुपयांच्या सर्वकालीन विक्रमी उच्चांकावर पोहोचला. त्यानंतर तो सुमारे ४ लाख ५ हजारांच्या पातळीवर राहिला. .सोन्याची वायदे बाजारातही गुंतवणूकदारांकडून जोरदार खरेदी दिसून आली. फेब्रुवारी डिलिव्हरीच्या सोन्याच्या भावाने १४,५८६ रुपयांची (८.८ टक्के वाढ) वाढ नोंदवून प्रति १० ग्रॅम १ लाख ८० हजार ५०१ रुपयांच्या नव्या उच्चांकावर झेप घेतली. त्यानंतर हा भाव १ लाख ७५ हजारांच्या पातळीवर राहिला. .आंतरराष्ट्रीय बाजारातही सोने-चांदी भावात विक्रमी वाढ दिसून आली. कॉमेक्स वायदे बाजारात सोन्याचा भाव पहिल्यांदाच प्रति औंस ५,६०० डॉलर्स पार झाला. एप्रिल डिलिव्हरीच्या सोन्याचा भाव २८६.६ डॉलर्सने (५.४ टक्के वाढ) वाढून प्रति औंस ५,६२६.८ डॉलर्सच्या नव्या विक्रमी उच्चांकावर गेला. (प्रति औंस म्हणजे २८.३५ ग्रॅम).Gold Loan Rules: सोने तारण कर्जाचे नियम बदलले; आरबीआयचा निर्णय.सोने-चांदीचे दर का वाढत आहेत?चांदीसाठी वाढलेली औद्योगिक मागणी आणि कमकुवत अमेरिकन डॉलरमुळे चांदीला झळाळी मिळाली. गेल्या काही दिवसांपासून चांदी रोज नवा उच्चांक गाठत आहे. जगातिक पातळीवर आर्थिक अनिश्चितता आणि वाढत असलेल्या भू-राजकीय तणावामुळे गुंतवणूकदारांकडून सुरक्षित गुंतवणूक म्हणून मौल्यवान धातूंची सातत्याने खरेदी होत आहे. यामुळे सोने-चांदीचे दर वाढत असल्याचे बाजारातील विश्लेषकांचे म्हणणे आहे. .Gold Reserves : ‘या’ ८ देशांकडे आहे सर्वाधिक सोन्याचा साठा.इंडिया बुलियन आणि ज्वेलर्स असोसिएशनच्या माहितीनुसार, शुद्ध सोन्याचा म्हणजे २४ कॅरेट सोन्याचा दर प्रति १० ग्रॅम १ लाख ७६ हजार १२१ रुपयांवर खुला झाला. याआधी २८ जानेवारी रोजी सोन्याचा दर १ लाख ६४ हजार ६३५ रुपयांवर बंद झाला होता. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
