Jalgaon News: खानदेशात यंदा कांदेबाग किंवा सप्टेंबर ते नोव्हेंबर या कालावधीत लागवड केल्या जाणाऱ्या केळीचे क्षेत्र वाढण्याचा अंदाज आहे. या कालावधीत लागवड केलेल्या केळी पिकात जोखीम कमी असून, अनेकदा चांगले दर मिळाले आहेत. यामुळे या कालावधीत केळीची लागवड वाढण्याचे संकेत आहेत. .खानदेशात अलीकडे बारमाही केळी लागवड केली जाते. परंतु प्रमुख दोन बहरांत केळी पिकाची लागवड करण्याचा प्रघातही खानदेशात आहे. त्यात मृग बहर केळी पीक अधिक असते. या बहरातील केळीची लागवड ही मे अखेरीस ते जुलै या कालावधीत केली जाते. तर कांदेबाग केळीची लागवड ही सप्टेंबर अखेरीस आणि ऑक्टोबर व नोव्हेंबरमध्ये केली जाते. यात मृग बहर केळीची काढणी उष्णतेत असते. या काळात अनेकदा नैसर्गिक समस्या असतात. तसेच दरातही चढ-उतार होतात..Banana Market : केळीची महिना-दीड महिना उधारीने विक्रीची वेळ.पावसाळ्यात सुरू होते काढणीमृग बहर केळीची काढणी पावसाळा सुरू होताना १०० टक्के पूर्ण झाली होती. जूनच्या मध्यानंतर आगाप कांदेबाग आणि सप्टेंबर ते नोव्हेंबरच्या सुरुवातीला लागवड केलेल्या केळी बागांत काढणी सुरू होते. या कालावधीत केळीला यंदा दर कमी मिळाला. पण या बागांची निसवण पावसाळा सुरू होताना किंवा उष्णतेच्या अखेरच्या टप्प्यात होते. यामुळे या बागांच्या लागवडीकडे खानदेशात सर्वत्र कल आहे..Banana Cultivation : मृग बहर केळी लागवड आटोपली.सणासुदीच्या कालावधीत आवकज्या केळीची लागवड सप्टेंबर अखेरीस तसेच ऑक्टोबर व नोव्हेंबरमध्ये केली जाते. त्या केळीची काढणी जूनच्या मध्यानंतर किंवा पावसाळ्यात सुरू होते. या काळात केळीची देशात आवक कमी असते. दुसरीकडे पावसाळ्यात सणासुदीचे दिवस असतात. गणेशोत्सव, नवरात्र व पुढे दसरा, दिवाळीचे सण असतात. यामुळे या कालावधीत केळीला उठाव असतो. यंदा मात्र उठाव कमी व दरही कमी मिळाले. कांदेबाग केळीची लागवड रावेर, मुक्ताईनगरसह नंदुरबार व धुळ्यातही कमी असते. परंतु अलीकडे ही लागवड या भागातही वाढली आहे..क्षेत्र पोहोचणार ३० हजार हेक्टरवरयंदा खानदेशात कांदेबाग केळीखालील क्षेत्र सुमारे ३० ते ३२ हजार हेक्टरपेक्षा अधिक राहील, असे संकेत आहेत. कांदेबाग केळीची लागवड खानदेशात जळगावातील चोपडा, यावल, जामनेर, पाचोरा-भडगाव, जळगाव या भागात अधिक केली जाते. परंतु आता ही लागवड रावेरसह नंदुरबारमधील शहादा, तळोदा भागांतही वाढली आहे. ही लागवड नोव्हेंबर अखेरीसही सुरू राहील. परतीचा पाऊस आल्यास लागवड लांबणीवर पडते. यामुळे अनेक शेतकरी डिसेंबरमध्येही लागवड करतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
