Nagpur News: व्यवहारात कमी मूल्यांच्या चलनी नोटांची तीव्र टंचाई निर्माण झाली आहे. परिणामी सामान्य नागरिकांसह छोट्या व्यावसायिकांना मोठ्या अडचणींचा सामना करावा लागत आहे. यावर तातडीने उपाय योजना करावी, या मागणीसाठी ऑल इंडिया रिझर्व्ह बँक एम्प्लॉईज असोसिएशन (एअरबेआ) च्या वतीने रिझर्व्ह बँकेचे प्रभारी उपगव्हर्नर टी. रबी शंकर यांना पत्र पाठविण्यात आले आहे..देशाच्या मध्यवर्ती बँकेने लोकांच्या गरजेनुसार विविध मूल्यांच्या चलनी नोटा व नाणी उपलब्ध करून देणे अपेक्षित आहे. मात्र, अलीकडील काळात विशेषतः ग्रामीण व निमशहरी भागांत दहा रुपये, २० रुपये, ५० रुपये अशा लहान मूल्यांच्या नोटा मिळणे कठीण झाले आहे..2 Thousand currency note: दोन हजाराची नोट बंद झालेली नाहीच; नोटबंदीचा समज चुकीचा.एटीएममधून प्रामुख्याने १००, २०० व ५०० रुपये चलनाच्याच नोटा मिळत असल्याने दैनंदिन व्यवहारांसाठी नागरिकांची मोठी गैरसोय होत आहे. ऑटो-रिक्षा भाडे, किराणा खरेदी, छोट्या सेवा व्यवहारांसाठी लहान नोटांची गरज असते. मात्र बँक शाखाही या नोटा देण्यास असमर्थता दर्शवत असल्याचे ‘एअरबेआ’ने नमूद पत्रात नमूद केले आहे..सोशल मिडीयावर तक्रारींचा महापूर१४० कोटी लोकसंख्येच्या देशात ही समस्या व्यापक स्वरूपाची असून सोशल मिडीयावर तक्रारींचा पूर आला आहे. त्यामुळे रिझर्व बँकेने तातडीने ठोस व परिणामकारक उपाययोजना कराव्यात, अशी जोरदार मागणी करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
