Amaravati News : शेतकऱ्यांना प्रति हेक्टर ५० हजार रुपये मदत देण्यात यावी व संपूर्ण कर्जमाफी करण्यात यावी, यांसह शेतकऱ्यांशी संबंधित इतर मागण्यांसाठी गुरुवारी (ता. ९) शिवसेना (उद्धव बाळासाहेब ठाकरे) पक्षाच्या वतीने जिल्हाधिकारी कार्यालयावर धडक देण्यात आली. खासदार अरविंद सावंत यांनी आंदोलनाचे नेतृत्व केले. .या वेळी आमदार गजानन लवटे, जिल्हा बॅंकेचे उपाध्यक्ष अभिजित ढेपे व इतर पदाधिकारी उपस्थित होते. अतिवृष्टीमुळे झालेल्या पीक नुकसानासाठी शेतकऱ्यांना हेक्टरी ५० हजार इतकी थेट आर्थिक मदत जाहीर करावी, नैसर्गिक आपत्तीमुळे नुकसान झालेल्या महाराष्ट्रातील शेतकऱ्यांना सर्व कर्जातून कर्जमुक्त करावे, .Crop Damage Compensation: कर्नाटकात शेतकऱ्यांना प्रति हेक्टर १७ हजार नुकसान भरपाई, 'एनडीआरएफ' निकषांच्या दुप्पट मदत.पीकविम्याचे कठीण निकष तातडीने शिथिल करून पंचनाम्याची प्रक्रिया बाजूला ठेवत विम्याची रक्कम त्वरित शेतकऱ्यांच्या खात्यात जमा करावी, अतिवृष्टीमुळे घरे व पशुधनाचे नुकसान झालेल्या नागरिकांना जुने निकष न लावता योग्य आणि पुरेसा मोबदला त्वरित देण्यात यावा आदी मागण्यांचे निवेदन जिल्हाधिकाऱ्यांमार्फत सरकारला देण्यात आले..Crop Damage : अचूक नुकसानीसाठी वाढीव पीक कापणी प्रयोग.विधानसभेच्या निवडणुकीपूर्वी सरकारने कर्जमुक्तीचे आश्वासन दिले होते, पण जवळपास एक वर्ष उलटूनही यावर कोणताही निर्णय सरकारने घेतलेला नाही. आता आपत्तीत सापडलेल्या शेतकऱ्यांना सरकारने वाऱ्यावर सोडले, असा आरोप सावंत यांनी केला..जिल्हाधिकाऱ्यांवर रोषनिवेदन देण्यासाठी शिवसैनिक जिल्हाधिकारी कार्यालयात आलेत. मात्र जिल्हाधिकारी उपस्थित नव्हते. निवासी उपजिल्हाधिकारी अनिल भटकर यांनी निवेदन स्वीकारले. त्यावर खासदार अरविंद सावंत यांनी संताप व्यक्त केला. वेळ घेतल्यानंतरही जिल्हाधिकारी भेटत नाहीत, असा आरोप त्यांनी केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
