Amaravati News : जिल्ह्यात ओला दुष्काळ जाहीर करण्यात यावा, अशी मागणी करीत शिवसेना उद्धव ठाकरे गटाने जिल्हा अधीक्षक कृषी अधिकारी कार्यालयात बुधवारी (ता. २४) उग्र आंदोलन केले. यावेळी जिल्हा कृषी अधीक्षकांच्या अंगावर सडलेले सोयाबीन फेकत सरकारविरुद्ध निषेधाच्या घोषणा देत रोष व्यक्त केला..ठाकरे गटाचे जिल्हाप्रमुख पराग गुडधे यांच्या नेतृत्वात शिवसैनिकांना जिल्हा अधीक्षक कृषी अधिकारी यांच्या कार्यालयात मोर्चा नेला. ओला दुष्काळ का जाहीर करीत नाही, असा सवाल करीत सोबत आणलेल्या सोयाबीनच्या पेंड्या जिल्हा अधीक्षक कृषी अधिकारी राहुल सातपुते यांच्या अंगावर फेकत निषेध केला. आंदोलकांनी बराच वेळ श्री. सातपुते यांच्यासोबत शाब्दिक हुज्जतही घातली..Ola Dushkal : ओला दुष्काळ जाहीर न केल्यास आंदोलन तीव्र करणार .मोर्चा येणार ही कल्पना पोलिसांना होती. त्यांनी तसे कळविलेही होते, असे सांगण्यात येते. मात्र साठ ते सत्तर आंदोलकांना पोलिस रोखू शकले नाहीत. घडलेल्या प्रकाराबद्दल कृषी कार्यालयातील कर्मचाऱ्यांमध्ये संतप्त प्रतिक्रिया उमटत आहेत..पावसामुळे नुकसान झालेल्या क्षेत्राचे पंचनामे कृषी विभागाने केले असून तसा अहवाल शासनाला पाठविला आहे. त्यावर शासनाकडून जिल्ह्यातील नुकसानग्रस्त शेतकऱ्यांसाठी १०८ कोटी रुपयांची मदत जाहीरही करण्यात आली आहे. .Ola Dushkal : अहिल्यानगर जिल्ह्यात ओला दुष्काळ जाहीर करा.ओला दुष्काळ जाहीर करण्याचे अधिकार सरकारचे असून ही मागणी जिल्हाधिकाऱ्यांमार्फत मुख्यमंत्र्यांकडे पाठविणे अपेक्षित होते. आंदोलनही जिल्हाधिकारी कार्यालयात करणे अपेक्षित असताना कृषी कार्यालयास लक्ष्य करण्यामागे काय हेतू होता, याबद्दल आता उलटसुलट चर्चा करण्यात येत आहे. शिवसैनिकांना आंदोलन नाही तर शेतकऱ्यांच्या प्रश्नावर स्टंट करून प्रसिद्धी मिळवायची होती, अशा प्रतिक्रिया उमटत आहेत..शेतकऱ्यांशी संबंधित एक रुपयात पीकविमा योजना बंद करणे, नुकसानग्रस्त भागाचे पंचनामे न करणे, भरपाई मिळवून देण्यासाठी कृषीतील कर्मचाऱ्यांकडून टक्केवारी मागणे, असे विषय ओल्या दुष्काळाच्या मागणीसह होते. आमची मागणी तेसुद्धा शासनाला कळवू शकतात. त्यासाठी कृषी कार्यालयात आंदोलन करण्यात आले.-पराग गुडधे, जिल्हाप्रमुख, शिवसेना (उद्धव ठाकरे गट).ओला दुष्काळासंदर्भात आमच्या स्तरावर शासनाकडून काहीच मार्गदर्शक सूचना नाहीत व दुष्काळ जाहीर करण्याचे अधिकार आम्हाला नाहीत. पावसाने नुकसान झालेल्या क्षेत्राचे पंचनामे करण्यात आले असून मदतही जाहीर झाली आहे.-राहुल सातपुते, जिल्हा अधीक्षक कृषी अधिकारी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
