Farmer Loss: शिरोळ तालुक्यात मंगळवारी (ता. १७) रात्री सोसाट्याच्या वाऱ्यासह झालेल्या अवकाळी पावसामुळे कापणी योग्य गहू, शाळू पिकाचे मोठ्या प्रमाणावर नुकसान झाले आहे. आणखी दोन आठवड्यात कापणीला येणारा शाळू जमीनदोस्त झाला आहे. हा शाळू आता शेतकऱ्यांना चाऱ्यासाठी विकण्याची वेळ येणार आहे. .हवामान विभागाने पावसाचा अंदाज दिला होता. अनेक शेतकऱ्यांनी पिकाची कापणी, मळणी करून धान्य सुरक्षित ठिकाणी ठेवले आहे. तर शाळवाचा कडबा भिजू नये यासाठी बडीम घालून त्यावर सुरक्षित आच्छादने टाकली आहेत. ऊस हंगाम संपल्यानंतर सध्या जनावरांच्या चाऱ्याची प्रचंड टंचाई जाणवत असताना पावसाळ्यात जनावरांचा सुका चारा असणाऱ्या कडब्याचे दर गगनाला भिडले आहेत. .Unseasonal Rain Damage: राज्याला गारपीट, अवकाळीचा तडाखा, गहू, हरभरा, ज्वारी पिकांचे नुकसान, शेतकरी चिंतेत.हा चारा पावसापासून सुरक्षित ठेवण्यासाठी शेतकऱ्यांनी पुरेशी दक्षता घेतली आहे. सध्या निर्माण झालेल्या चाऱ्याच्या टंचाईवर मात करण्यासाठी शेतकऱ्यांकडून शळवाचा हिरवा चारा विक्री केला जात आहे. गतवर्षीच्या तुलनेत दुपटीने या चाऱ्याची दरवाढ झाली आहे. दुसऱ्या बाजूला रोपवाटिकांमध्ये देखील उसाच्या कांड्या मिळणे दुरापास्त झाले आहे. उन्हाळ्यामुळे उसाच्या तयार रोपांना मागणी घटली आहे. परिणामी याचा कांड्यांवर देखील परिणाम झाल्याने अनेक पशुपालकांना कांड्यांसाठी देखील तासनतास रांगेत उभे राहण्याची वेळ आली आहे..Unseasonal Rain Damage : गारपीट अवकाळीचा पिकांना तडाखा; विदर्भ, मराठवाड्यात पिकांचे नुकसान; बळीराजा संकटात.मशागतीच्या कामांवर परिणाम नाहीमंगळवारी रात्री झालेल्या पावसाचा सुरू असणाऱ्या मशागतीच्या कामांवर कोणताही परिणाम होणार नाही. ऊस गेल्यानंतर अनेक शेतकऱ्यांकडून सध्या शेतीच्या मशागतीचे कामे सुरू आहेत..अंतिम टप्प्यात नुकसानशिरोळ तालुक्यातील शेतकऱ्यांकडून गेल्या काही दिवसांपासून शाळू, गहू, हरभरा पिकाची कापणी, मळणीची कामे गतीने सुरू आहेत. आणखी आठ दिवसात जवळपास सर्वच भागातील पिकांच्या काढणीची कामे उरकणार होती. मात्र मंगळवारच्या पावसाने अखेरच्या टप्प्यात शेतकऱ्यांच्या आशेवर पाणी फिरवले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
