Kolhapur News: शिरोळ तालुक्यात मोठ्या प्रमाणात क्षारपड शेती असल्याने शेतकऱ्यांना १०० टक्के अनुदानावर जिप्सम उपलब्ध करून द्यावे, अशी मागणी आमदार राजेंद्र पाटील यड्रावकर यांनी कृषिमंत्री दत्तात्रय भरणे यांच्याकडे केली होती. .या मागणीचा सातत्याने पाठपुरावा केल्यानंतर कृषिमंत्री भरणे यांनी कृषी विभागाला १०० टक्के अनुदानावर जिप्सम उपलब्ध करण्याबाबत प्रस्ताव सादर करण्याच्या सूचना दिल्या आहेत. त्यामुळे लवकरच शिरोळ तालुक्याबरोबर राज्यातील शेतकऱ्यांना १०० टक्के अनुदानावर जिप्सम उपलब्ध होण्याची आशा पल्लवीत झाल्या आहेत. शिरोळ तालुक्यात पाण्याच्या अतिवापरामुळे शेतीचे मोठ्या प्रमाणावर क्षारीकरण झाले आहे..Groundnut Farming: उन्हाळी भुईमुगासाठी खत, पाणी नियोजन.जमिनीतील सेंद्रिय कर्बाचे प्रमाण घटल्याने उत्पादनक्षमता कमी होत असून शेतकऱ्यांचे मोठे नुकसान होत आहे. तालुक्यातील अनेक गावे क्षारपड समस्येने ग्रस्त असून जमिनीची सुपीकता पूर्ववत करण्यासाठी जिप्समचा वापर अत्यावश्यक ठरतो. तज्ज्ञांच्या मते, एक एकर क्षेत्रासाठी सुमारे ७ ते ८ टन जिप्समची आवश्यकता भासते..Government Subsidy Bribe: अनुदानासाठी लाच मागणाऱ्या कृषी पर्यवेक्षकाला अटक.मात्र जिप्समवर पूर्ण अनुदान नसल्यामुळे हा खर्च शेतकऱ्यांसाठी परवडणारा नाही. त्यामुळे अनेक शेतकरी जिप्समचा वापर टाळत होते, परिणामी जमिनीची गुणवत्ता अधिकच खालावत होती..ही परिस्थिती लक्षात घेऊन आमदार यड्रावकर यांनी कृषिमंत्र्यांकडे निवेदन देत शेतकऱ्यांना १०० टक्के अनुदानावर जिप्सम उपलब्ध करून देण्याची मागणी केली होती. यासंदर्भात त्यांनी वारंवार मंत्रालय स्तरावर पाठपुरावा केला होता. या प्रयत्नांची दखल घेत कृषिमंत्री भरणे यांनी संबंधित कृषी विभागाला १०० टक्के अनुदानावर जिप्सम उपलब्ध करून देण्यासाठी प्रस्ताव तयार करण्याच्या सूचना दिल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
