Jalgaon News: खानदेशात यंदा पाऊस मुबलक होता. त्यामुळे माळरानात मुबलक चारा आहे. अशातच पश्चिम भागातील मेंढपाळ पूर्व खानदेशात मागील महिन्यात दाखल झाले. त्यांचा मुक्काम जळगाव जिल्ह्यातील चोपडा, यावल, रावेर, मुक्ताईनगर, बोदवड, जामनेर भागांत कायम आहे. चारा व पाणी टंचाई यंदा दिसत नाही. दरवर्षी मेंढपाळ मार्चमध्ये दाखल व्हायचे. पण यंदा ही मंडळी लवकर दाखल झाली..४०० ते ५०० हेक्टर क्षेत्रात चराईसाठी ही मंडळी ग्रामपंचायतींना ५० ते ६० हजार रुपये देते. दोन ते अडीच महिने ही मंडळी संबंधित क्षेत्रात विविध शेतांत मुक्कामी राहतात. मेंढ्यांचे मलमूत्र शेतांना लाभदायी मानले जाते यामुळे शेतकरी या मंडळींचा मुक्काम आपल्या शेतात ठेवतात. एका शिवारात चार ते पाच मेंढपाळ आपल्या मेंढ्या, संसारासह दाखल होतात. पावसाळ्यापर्यंत किंवा अगदी पाच ते १० जूनपर्यंत ही मंडळी शिवारात असतात. .Shepherds Migration : मेंढपाळ बांधवांचा मुक्काम कायम.चांगला पाऊस झाल्यानंतर त्यांचा मुक्का शेतातून नदीत किंवा शासकीय जागा, गावठाण क्षेत्रात असतो. खानदेशात धुळ्यातील साक्री, धुळे, नंदुरबार जिल्ह्यातील नंदुरबार, नाशिकमधील नांदगाव, येवला भागांतील मेंढपाळ आहेत. दरदिवसाचा पाच-सात हजार रुपये मोबदला त्यांना मिळतो. स्थानिक ग्रामपंचायतीदेखील पूर्ण शिवारात या मेंढपाळांना चराई व पाण्यासंबंधीची मोकळीक निधी घेऊन देतात..Shepherds Migration : पूर्व खानदेशात मेंढपाळ बांधव दाखल .नांदगाव, लगतच्या भागातील मेंढपाळही दाखलखानदेशात धुळे, नंदुरबार भागातील मेंढपाळ येतात. यंदा नाशिकमधील नांदगाव व लगतच्या भागातील मेंढपाळही आले आहेत. पऱ्हाटीचे क्षेत्र यंदा लवकर उलंगवाडीत जाईल, अशी स्थिती आहे. कारण पाऊस अधिक झाला. खरिपातील पिके घेऊन क्षेत्र रिकामे झाले आहे. कोरडवाहू क्षेत्रात खरिपातील पिके लवकर संपली. .यामुळे या भागात मेंढ्यांची चराई सुरू दिसत आहे. दरवर्षी ही मंडळी मार्च ते एप्रिल या कालावधीत जळगाव जिल्ह्यातील जामनेर, रावेर, यावल, चोपडा, जळगाव, भडगाव, धुळ्यातील शिरपूर आदी भागात दाखल होतात. परंतु यंदा अनेक दिवस लवकर ही मंडळी आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
