Narayangaon News: जुन्नर कृषी उत्पन्न बाजार समितीच्या नारायणगाव उपबाजारात कोथिंबीर, मेथीच्या बाजारभावात मोठी घट झाली आहे. सोमवारी (ता. ५) रात्री झालेल्या लिलावात प्रतवारीनुसार संकरित कोथिंबीर व मेथीच्या जुडीला शेकडा पन्नास रुपये ते सातशे रुपयांच्या दरम्यान भाव मिळाला. .जुडीला सरासरी दोन ते चार रुपयांच्या दरम्यान भाव मिळाला. काढणी मजुरी, वाहतूक खर्च याचा विचार करता सध्याच्या बाजारभावात भांडवली खर्च वसूल होणार नाही. यामुळे जुन्नर, आंबेगाव, शिरूर, पारनेर भागातील उत्पादक शेतकरी अडचणीत सापडले आहेत..Strawberry Market: स्ट्रॉबेरीच्या मागणीत वाढ.नारायणगाव उपबाजारात मेथी व कोथिंबीर जुड्यांची आवक वाढली आहे. सोमवारी रात्री नारायणगाव उपबाजारात कोथिंबीर, मेथीच्या सुमारे तीन लाख जुड्यांची आवक झाली होती. रात्री झालेल्या लिलावात संकरित कोथिंबीर व मेथीच्या जुडीला कमी भाव मिळाला. तर गावठी कोथिंबीर जुडीला शेकडा ९०० रुपये ते हजार रुपयांच्या दरम्यान भाव मिळाला..शेतकऱ्यांचा संकरित बियाण्याकडे कलअधिक उत्पादनासाठी शेतकरी आता संकरित बियाण्यांचा वापर करत आहेत. संकरित बियाण्यांपासून उत्पादित झालेली कोथिंबीर व मेथी दिसायला तजेलदार व हिरवीगार असून टिकाऊ क्षमताही जास्त असते. मात्र संकरित कोथिंबीर व मेथीला गावठी कोथिंबिरीसारखा वास व चव नसते..Soybean Market: सोयाबीन बाजारातील सारीपाट.यामुळे घरगुती ग्राहकांकडून गावठी कोथिंबीर व मेथीला मागणी असते. मात्र उत्पादन कमी असल्याने शेतकरी आता संकरित बियाण्याकडे वळला आहे. यामुळे गावठी बियाणे आता कालबाह्य होण्याच्या मार्गावर आहे, अशी माहिती व्यापारी कमलाकर वाजगे यांनी दिली..भांडवली खर्च वाढलाकोथिंबीर, मेथीच्या एकरी तीन ते चार हजार जुड्या निघतात. काढणी मजुरी व वाहतूक खर्चासाठी शेकडा अडीचशे ते तीनशे रुपये, बियाणे, खते, कीटकनाशके, शेतीची मशागत आदींसाठी एकरी सुमारे चाळीस हजार रुपये खर्च येतो. पेरणी ते विक्रीपर्यंत एका जुडीच्या उत्पादनासाठी पाच ते सहा रुपयांचा खर्च होतो..टोमॅटोचे बाजारभाव स्थिरटोमॅटो बाजारात सात हजार टोमॅटो क्रेटची आवक झाली. आज सकाळी झालेल्या लिलावात प्रतवारीनुसार टोमॅटो क्रेटला (वीस किलोग्रॅम) ४०० ते ७०० रुपयांच्या दरम्यान भाव मिळाला. मागील एक महिन्यापासून टोमॅटोचे बाजारभाव स्थिर आहेत, अशी माहिती बाजार समितीचे उपसचिव शरद घोंगडे यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
