Farmers Death नाशिक : राज्यात गेल्या दोन महिन्यांत २ हजारहून अधिक शेतकऱ्यांनी आत्महत्या केल्या आहेत. शेतकरी आत्महत्या करत आहेत. पण आजचे राज्यकर्ते त्यांच्याकडे ढुंकून बघायला तयार नाहीत. यामुळे आता आम्हाला बघ्याची भूमिका घेता येणार नाही, अशा शब्दांत राष्ट्रवादी शरदचंद्र पवार पक्षाचे प्रमुख शरद पवार यांनी राज्य सरकारवर टीका केली..नाशिकमध्ये सोमवारी शरद पवार यांच्या राष्ट्रवादीने शेतकरी प्रश्नी जनआक्रोश मोर्चा काढला. त्यानंतर जाहीर सभा घेतली. यावेळी राष्ट्रवादी काँग्रेस (शरद पवार) पक्षाचे प्रदेशाध्यक्ष शशिकांत शिंदे, पक्षाचे विधिमंडळ पक्षनेते जयंत पाटील, खासदार सुप्रिया सुळे यांच्यासह पक्षाच्या पदाधिकाऱ्यांसह कार्यकर्ते उपस्थित होते..Farmer Protest: शेतकरी प्रश्नांवर राष्ट्रवादी कॉंग्रेस पक्षाचा (श.प) नाशिकमध्ये आक्रोश मोर्चा .शेतकरी जीव का देतोय? हे समजून घेतले पाहिजे. कर्जबाजारीपणा हे त्यामागील कारण आहे. महाराष्ट्रातील जवळपास सर्व जिल्ह्यांमध्ये यंदाच्या वर्षी अतिवृष्टी झाली. यामुळे शेतकरी अस्वस्थ आहे. संकटावर मार्ग काढायचा असतो. ही जबाबदारी राज्य आणि केंद्र सरकारची असते, असे शरद पवार यांनी नमूद केले..…आणि मी शेतकरी कर्जमाफी केलीयावेळी पवारांनी शेतकरी कर्जमाफीच्या मुद्यावर भाष्य केले. “मी कृषी खात्याचा मंत्री होतो. एके दिवशी यवतमाळ जिल्ह्यातील शेतकऱ्याने आत्महत्या केली. मी अस्वस्थ झालो. दुसऱ्या दिवशी मी त्यावेळी पंतप्रधान मोहन सिंग यांना विनंती केली की शेतकरी जीव देतोय हे चांगले नाही. तो का जीव देतोय? हे समजून घेतले पाहिजे. संबंधित शेतकरी कुटुंबाची भेट घेण्यासाठी ते लगेच तयार झाले. दुसऱ्या दिवशी आम्ही दोघेही आलो. यवतमाळला गेलो. शेतकऱ्याच्या घरच्यांची भेट घेतली. तुझ्या माणसाने जीव का दिला? असे विचारल्यावर ती ढसाढसा रडू लागली. तिने सांगितले की कर्ज काढले होते. सोसायटीचे नोटीस आले. दुसऱ्या वर्षी खासगी शेतकऱ्याकडे कर्ज काढले. ते फिटले नाही. सावकाराने घरातून भांडी बाहेर काढली आणि अब्रुचा पंचनामा झाला. ते आमच्या माणसाला सहन झाले नाही आणि त्याने जीव दिला. हे कशामुळे झाले तर कर्जबाजारीपणामुळे... याचा अभ्यास केला आणि दहा दिवसांत शेतकरी कर्ज माफ केलं,’’ असे पवार म्हणाले..Farmers Death : सात महिन्यांत २६६ शेतकऱ्यांची आत्महत्या."जर हे सरकार शेतकऱ्यांना कर्जमाफी देत नसेल तर हे सरकार आम्ही घालवू; हा फक्त मोर्चा नाही, बळीराजाच्या लढाईची सुरुवात आहे." अशी ठाम भूमिका पक्षाचे प्रदेशाध्यक्ष शशिकांत शिंदे यांनी नाशिक येथे आयोजित 'शेतकरी आक्रोश मोर्चात मांडली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
