Sharad Pawar On Ajit Pawar: दोन्ही राष्ट्रवादी एकत्र याव्यात, यावर गेल्या चार महिन्यांपासून चर्चा सुरु होती. १२ तारखेला एकत्र येण्याचा निर्णय जाहीर करण्याचे ठरले होते आणि ही तारीख स्वतः अजितदादा पवार यांनी दिली होती. मात्र, दुर्दैवाने हा अपघात झाला, अशी माहिती राष्ट्रवादी शरदचंद्र पवार पक्षाचे अध्यक्ष शरद पवार यांनी आज पत्रकार परिषदेत दिली..दोन्ही राष्ट्रवादी एकत्र येण्याबाबतच्या चर्चेचे नेतृत्व अजित पवार आणि जयंत पाटील यांच्याकडे होते. एकत्र काम करण्याची प्रक्रिया सुरु करावी, असे यावर एकमत झाले होते. त्यासाठी बैठकाही झाल्या. दोन्ही राष्ट्रवादी एकत्र याव्यात, ही अजितदादांची इच्छा होती आणि हीच आमची इच्छा आहे, असे शरद पवार यांनी स्पष्ट केले. .Ajit Pawar Passes Away: ग्रामीण महाराष्ट्राचा दोर तुटला .सुनेत्रा पवार उपमुख्यमंत्री होणार, आज शपथविधीराज्याचे उपमुख्यमंत्री अजित पवार यांच्या विमान अपघातातील मृत्यूनंतर त्यांच्या पत्नी सुनेत्रा पवार (Sunetra Pawar) उपमुख्यमंत्री होणार आहेत. त्यांचा शपथविधी आजच सायंकाळी ५ वाजता होणार असल्याचे निश्चित झाले आहे. यावर बोलताना शरद पवार यांनी, आपल्याला याबाबत काही माहित नसल्याची प्रतिक्रिया दिली. हा त्यांच्या पक्षातील अंतर्गत निर्णय असून त्यावर आम्ही भाष्य करणार नसल्याचे त्यांनी म्हटले आहे. आम्ही एक कुटुंब म्हणून या प्रसंगात त्यांच्यासोबत आहोत. त्यांच्या पक्षाच्या निर्णयाशी आमचा काही संबंध नसल्याचे त्यांनी स्पष्ट केले. प्रफुल्ल पटेल आणि सुनील तटकरे यांनी काही निर्णय घेण्यासाठी पुढाकार घेतला आहे. माझी याबाबत कोणतीही चर्चा झालेली नाही. मला याबद्दल काहीही माहिती नाही... जे काही घडत आहे, याचीही मला कल्पना नाही, असे ते पुढे म्हणाले. .Ajit Pawar Demise: जावयाच्या निधनाचे धाराशिवकरांना मोठे दुःख .दोन्ही राष्ट्रवादीच्या एकत्र बैठकीचा व्हिडिओ समोरदरम्यान, दोन्ही राष्ट्रवादीच्या एकत्र बैठकीचा एक व्हिडिओ समोर आला आहे. त्यात शरद पवार, अजित पवार, रोहित पवार, जयंत पाटील, शशिकांत शिंदे, अमोल कोल्हे आणि इतर नेते एकत्र दिसतात. त्यांची १७ जानेवारीला विलिनीकरणाबाबत बैठक झाली होती, अशी माहिती पुढे आली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
