Nahsik News : शेतीचे पडत असलेले तुकडे, फुटलेला सातबारा आणि मालाचा भाव स्वतः ला ठरवता येत नसल्याने शेतकरी संकटात सापडतो. फुगेवाला फुग्याचा भाव ठरवतो, पण शेतकरी मात्र असहाय आहे. त्यामुळे शेतकऱ्यांचा आवाज एकसंध राहिला तरच त्याला न्याय मिळेल. शेतकऱ्यांचा आवाज संसदेपर्यंत पोचविणारे फक्त शरद जोशीच होते. ते देशातील क्रांतिकारी पर्व होते, असे प्रतिपादन ज्येष्ठ पत्रकार व साहित्यिक उत्तम कांबळे यांनी केले..शेतकरी संघटनेचे प्रणेते शरद जोशी यांच्या ८९ व्या जयंतीनिमित्त ओझर येथील कृषी उत्पन्न बाजार समिती उपबाजार आवाराच्या सभागृहात गुरुवारी (ता. ३) शेतकरी मेळावा झाला. त्या वेळी श्री. कांबळे बोलत होते. संघटनेचे राज्याचे उपाध्यक्ष देविदास पवार अध्यक्षस्थानी होते. .Farmer Issue : ध्वजवंदनाच्या कार्यक्रमप्रसंगी शेतकरी कुटुंबाचा आत्मदहनाचा प्रयत्न.शेतकरी संघटनेचे विभागीय अध्यक्ष संतू पाटील झांबरे, महिला आघाडीच्या निर्मलाताई जगझाप, जिल्हाध्यक्ष अर्जुनतात्या बोराडे, सीमाताई गुरव, जिल्हा कार्याध्यक्ष शंकरराव ढिकले, युवा आघाडीचे किरण पाटील, बाळासाहेब धुमाळ, बाळू चौधरी, संध्याताई पगारे, भानुदास ढिकले आदी उपस्थित होते..श्री.कांबळे म्हणाले, की राजर्षी शाहू महाराजांनी कोल्हापुरात भुईमुगाचे पीक घेण्याचा सल्ला दिला. त्याचे उत्पादन वाढले, भाव पडायला लागले, त्यावेळी शाहू महाराजांनी पर्याय म्हणून प्रोसेसिंग पद्धत काढली आणि महालक्ष्मी तेलनिर्मिती केली. शेतमाल प्रक्रियेतून संधी निर्माण केल्या..Banana Farmer Issue: केळी दरप्रश्नी शुक्रवारी भुसावळ येथे बैठक.यावेळी देविदास पवार, संतू पाटील झांबरे, रामनाथ ढिकले, व्यंग्यचित्रकार अनिरुद्ध पवार, निर्मलाताई जगझाप, बाबासाहेब गुजर, नलिनीताई पाटील, स्मिताताई गुरव आदींनीही शरद जोशी यांच्यासोबतच्या संघटनेतील चळवळी व कार्याच्या आठवणी सांगितल्या. जिल्हाध्यक्ष अर्जुन बोराडे आणि संतू पाटील झांबरे यांनी आभार मानले. जिल्ह्यातून सटाणा, कळवण, देवळा, निफाड तालुक्यातील शेतकरी संघटनेचे पदाधिकारी व कार्यकर्ते यावेळी उपस्थित होते..पंजाब-हरियानात दबावामुळे न्यायडॉ. श्याम अष्टेकर म्हणाले, की १९७८ मध्ये चाकण आंदोलन झाले तेव्हा जो प्रश्न होता, तो आजही आयात-निर्यात धोरणामुळे प्रलंबित आहे. कोणतेही सरकार आले तरी ग्राहकाचे हित पाहिले जाते. पंजाब-हरियानातील शेतकरी दबाव आणतात म्हणून त्यांना न्याय मिळतो. मोदी सरकारने शेतकऱ्यांना आर्थिक बळ मिळेल, असे आश्वासन दिले, पण प्रत्यक्षात परिस्थिती विपरीत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
