Mumbai News: शक्तिपीठ महामार्ग करण्यासाठी राज्य सरकार बळाचा वापर करून जमिनी ताब्यात घेत आहे. तुम्ही दमदाटी करून जमिनी घेणार आहात का? भूसंपादन करताना शेतकऱ्यांना स्थानबद्ध केले जात आहे, गावाभोवती पहारे ठेवले जात आहेत, अशा पद्धतीने महामार्ग करताच कशाला? असा प्रश्न विचारत काँग्रेसचे विधानसभेतील गटनेते आमदार विजय वडेट्टीवार यांनी मंगळवारी (ता. २४) राज्य सरकारवर टीकेची झोड उठविली. .प्रश्नोत्तराचा तास संपल्यानंतर शक्तिपीठ महामार्गासाठी जमिनी संपादित करताना पोलिस बळाचा वापर केल्याचा मुद्दा उपस्थित करत नियम ५७ अन्वये नोटीस दिली. यावर बोलताना वडेट्टीवर यांनी सरकारवर जोरदार टीका केली..Shaktipeeth Expressway: शेतकऱ्यांच्या संसारावर वरवंटा फिरवणारा शक्तिपीठ महामार्ग होऊ देणार नाही- राजू शेट्टी.परभणीतील सजपूर-जवळा येथे भूसंपादन करताना काही शेतकऱ्यांना पोलिसांनी मारहाण केली. तसेच काहींना ताब्यात घेतले. पवनार ते पत्रादेवी या शक्तिपीठ महामार्गासाठी सध्या राज्यभरामध्ये भूसंपादनाची प्रक्रिया सुरू आहे. त्याला राज्यभरामध्ये ठिकठिकाणी विरोध होत आहे. २३ फेब्रुवारी रोजी राज्यभरामध्ये आंदोलन करून या महामार्गाला विरोध केला..राज्यात एकीकडे अस्मानी संकटाने शेतकऱ्यांना हैराण केले असताना दुसरीकडे पोलिसीबळाचा सुलतानी वापर केला जात आहे. परभणीतील सजपूर-जवळा येथे शक्तिपीठ महामार्गाच्या भूसंपादनासाठी शेतकऱ्यांनी विरोध केला..Shaktipeeth Highway Project: ‘शक्तिपीठ’विरोधात शेतकऱ्यांची एकजूट.येथे ६०० शेतकऱ्यांना बंदिस्त केले गेले. एक हजार पोलिसांचा बंदोबस्त येथे तैनात केला गेला. जर शक्तिपीठ महामार्गाला शेतकरी इतका विरोध करत असतील तर हा महामार्ग करताच कशाला? या महामार्गाला विरोध नाही असे सांगितले जाते. मग दुसरीकडे इतका बंदोबस्त कशासाठी असा प्रश्नही त्यांनी उपस्थित केला..दखल घेण्याचे निर्देशपरभणीतील काही गावांमध्ये शेतकऱ्यांना स्थानबद्ध केले आहे. त्यांना घरात कोंडून बाहेरून कड्या लावल्या आहेत. जे शेतकरी बाहेर पडण्याचा प्रयत्न करत आहेत, त्यांना मारहाण केली जात आहे. शेतकऱ्यांना दमदाटी करून त्या ताब्यात घेतल्या जात आहेत. पोलिसी बळाचा वापर करून शक्तिपीठ महामार्ग करणार असाल तर हे योग्य नाही, असे सांगत या संदर्भात राज्य सरकारने निवेदन द्यावे, अशी मागणी केली. यावर अध्यक्ष राहुल नार्वेकर यांनी राज्य सरकारने या प्रकाराची दखल घ्यावी, असे निर्देश दिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
