Shaktipeeth Highway Alignment: शेतकऱ्यांचा विरोध असलेल्या शक्तिपीठ महामार्गाचा मुद्दा विधानसभेत उपस्थित करण्यात आला. शेतकऱ्यांची दिशाभूल करुन हा महामार्ग पुढे रेटण्याचे काम सुरु आहे. या महामार्गासाठी शेतकऱ्यांच्या पोटावर पाय ठेवण्याचे पाप राज्य शासनाच्या माध्यमातून केले जात आहे. याचे गांभीर्य सरकारला आहे का? असा सवाल पलूस कडेगावचे काँग्रेसचे आमदार विश्वजित कदम यांनी मंगळवारी (दि. ७ जुलै) विधानसभेत केला..गेल्या अनेक दिवसांपासून शक्तिपीठ महामार्गाला संपूर्ण महाराष्ट्रातील अनेक जिल्ह्यांमधून ठिकठिकाणी शेतकरी आणि स्थानिक नागरिकांचा विरोध सुरु आहे. या महामार्गाची अलाईनमेंट म्हणजेच संरेखन दोन ते तीन वेळा बदलण्यात आले. सुरुवातीला जेव्हा अलायईनमेंट करण्यात आली; तेव्हा अशी चर्चा होती की कोरडवाहू दुष्काळी तालुक्यातून हा रस्ता नेला जाईल. पण सातत्याने याची अलाईनमेंट बदलण्यात आली, असे त्यांनी निदर्शनास आणून दिले..Shaktipeeth Highway Alignment: शेतकऱ्यांचा विरोध, शक्तिपीठ महामार्गाच्या ८ जिल्ह्यांतील आखणीत बदल, सरकारचा दावा.सांगली जिल्ह्यातील सुपीक जमिनीतून हा महामार्ग जात आहे. यात नेमक्या कोणत्या गावातील जमीन जाणार आहे? याची माहिती आम्ही संबंधित विभागाच्या अधिकाऱ्यांकडे मागत आहोत. पण ही माहिती दिली जात नाही. प्रशासन जाणीवपूर्वक शेतकऱ्यांमध्ये दिशाभूल करण्याचे काम करत आहे. आमचा विकासाला विरोध नाही. पण शेतकऱ्यांच्या पोटावर पाय ठेवून चालणार नाही. आम्ही वारंवार विनंती करत आहोत. याविरोधात मोर्चे, आंदोलने निघत आहेत. या महामार्गाच्या नव्या अलाईनमेंट, अधिसूचना याबाबत स्थानिक शेतकऱ्यांना, स्थानिक लोकप्रतिनिधींना विश्वासात घेतले पाहिजे, अशी मागणी कदम यांनी केली. .Shaktipeeth Highway: ‘शक्तिपीठा’स विरोध ही शेतकऱ्यांच्या अस्तित्वाची लढाई : सतेज पाटील.ज्यांनी पिढ्यानपिढ्या शेती केली. ज्या शेतीतून त्यांना आज चांगले उत्पन्न मिळत आहे. त्यांचे नुकसान होता कामा नये, असा इशाराही त्यांनी दिला..प्रस्तावित दिग्रज (जि. वर्धा) ते बांदा (जि. सिंधुदुर्ग) दरम्यानच्या शक्तिपीठ महामार्गाविरोधात शेतकऱ्यांची आंदोलने सुरु आहेत. सरकारने सांगलीसह आठ जिल्ह्यांतील या महामार्गाच्या आखणीत बदल केला आहे. या महामार्गाच्या सुधारित आराखड्यानुसार, याची लांबी ८५६ किमी एवढी असून यासाठी सुमारे १ लाख कोटींचा खर्च अपेक्षित असल्याचे राज्य सरकारकडून याआधी स्पष्ट करण्यात आले होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
