Shaktipeeth Highway Survey Opposition: शक्तिपीठ महामार्गाविरोधात शेतकरी आक्रमक झाले आहेत. सोलापूर जिल्ह्यातील माळशिरस तालुक्यातील निमगाव येथील शेतकऱ्यांनी प्रस्तावित महामार्गाच्या सर्व्हेक्षणाला जोरदार विरोध दर्शवला आहे. यामुळे येथे तणावाची परिस्थिती निर्माण झाली आहे..निमगाव परिसरातील सुमारे ३०० एकर बागायती जमीन या महामार्ग प्रकल्पात जाणार असल्याचे सांगितले जात आहे. येथील बहुतांश शेती क्षेत्र सिंचनाखाली आहे. पण, महामार्ग बागायती क्षेत्रातून जात असल्याने शेतकरी संतप्त झाले आहेत..यामुळे प्रतिबंधात्मक कारवाई म्हणून पोलिसांनी गुरुवारी (दि. ४ जून) पहाटे स्वाभिमानी शेतकरी संघटनेचे माळशिरसचे तालुका अजित बोरकर तसेच के. के. पाटील यांना त्यांच्या घरात जाऊन ताब्यात घेतले. हे दोघे स्वतः शेतकरी आहेत. .Shaktipeeth Highway Project: शक्तिपीठ महामार्गाच्या भूसंपादनात ‘एनए’चे रॅकेट ?.पोलिसांच्या या कृतीचा शेतकरी नेते राजू शेट्टी यांनी निषेध केला आहे. राजू शेट्टी यांनी दिलेल्या माहितीनुसार, आज माळशिरस तालुक्यात शक्तिपीठ महामार्गाच्या सर्व्हेक्षणासाठी प्रांत, तहसिलदार आणि भूमी अभिलेख विभागाचे अधिकारी येणार होते. माळशिरस तालुक्यात शक्तिपीठ महामार्गास कडाडून विरोध होऊ लागला आहे. यामुळे पोलिसांनी आज सकाळी पहाटेच शेतकऱ्यांना अंथरूणातून उठवून त्यांना ताब्यात घेत अकलूज पोलिस ठाण्यात नेले. .Shaktipeeth Highway March: शक्तिपीठ महामार्गाविरोधात ९ जूनला कोल्हापुरात मोर्चा.पोलिस शेतकऱ्यांवर दादागिरीची भाषा करत असून ते जनरल डायर याच्याप्रमाणे वागू लागल्याचा आरोप शेट्टी यांनी केला आहे. शेतकऱ्यांना फरफटत नेऊन ताब्यात घेतले जात असताना शेतकऱ्यांच्या मतांवर निवडून आलेले लोकप्रतिनिधी रस्त्यावर का उतरत नाहीत? असा संतप्त सवाल त्यांनी केला.या महामार्गाला विरोध करणाऱ्या शेतकऱ्यांना फरफटत ओढून नेले जात असल्याचा एक व्हिडिओदेखील शेट्टी यांनी समाजमाध्यमावर पोस्ट केला आहे..अरण गावातून अधिकाऱ्यांना माघारी फिरावं लागलंसंत सावता माळी यांची कर्मभूमी आणि जन्मभूमी असलेल्या अरण गावातूनही शक्तिपीठ महामार्गास जोरदार विरोध सुरु आहे. या गावातील शक्तिपीठ महामार्गात जवळपास ६०० एकर जमीन जाणार आहे. या गावातून पालखी महामार्ग व पुणे -सोलापूर राष्ट्रीय महामार्ग अस्तित्वात असून, येथील शेतकऱ्यांनी आता प्रस्तावित महामार्गाला कडाडून विरोध केला आहे. यामुळे प्रांत, तहसीलदार, पोलिस अधिकारी यांना सर्वेक्षण न करता माघारी जावे लागल्याचे शेट्टी यांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
