Shaktipeeth Mahamarg Opposition: शक्तिपीठ महामार्गास मराठवाड्यातील हिंगोली, परभणी जिल्ह्यातील शेतकऱ्यांचा जोरदार विरोध सुरु आहे. विशेषतः हिंगोली जिल्ह्यातून ज्या तालुक्यातून शक्तिपीठ महामार्ग जात आहे. हा भाग पिवळं सोनं पिकविणारा म्हणजेच हळद बागायती पट्टा म्हणून ओळखला जातो. बागायती जमिनी मोठ्या प्रमाणात संपादित होत असल्याने या जिल्ह्यातील शेतकऱ्यांनी महामार्गास कडाडून विरोध केला आहे..नुकतीच हट्टा (ता. वसमत, जि. हिंगोली) येथे शक्तिपीठ विरोधी संघर्ष समितीच्या वतीने एल्गार परिषद घेण्यात आली. या परिषदेला शेतकऱ्यांनी मोठ्या संख्येने उपस्थित राहत महामार्गाला जोरदार विरोध दर्शवला. काही उद्योगपतींच्या फायद्यासाठी गडचिरोली येथील खाणीतून निघणारा कच्चा व प्रक्रिया केलेला माल गोवा येथील बंदरावरावरून परदेशात घेऊन जाण्यासाठी हा महामार्ग केला जात असल्याचा आरोप स्वाभिमानी शेतकरी संघटनेचे संस्थापक राजू शेट्टी यांनी केला आहे..Shaktipeeth Highway: शक्तिपीठ महामार्ग विरोधात एल्गार; पोखर्णी येथे राज्यव्यापी परिषदेत शेतकऱ्यांचा निर्धार .या महामार्गाला समांतर रत्नागिरी -नागपूर महामार्ग अस्तित्वात असतानाही शक्तिपीठ महामार्गाचा अट्टाहास का? याचे उत्तर मुख्यमत्र्यांनी द्यावे. राज्यात सर्वाधिक विरोध हिंगोली जिल्ह्यातील शेतकऱ्यांकडून होत आहे. सत्ताधारी लोकप्रतिनिधींनी सुद्धा या प्रकल्पाच्या विरोधात आक्रमक भूमिका घेतली असल्याचे शेट्टी यांनी म्हटले आहे..Shaktipeeth Highway Protest: 'शेतकऱ्यांनी काय खायचं?' शक्तिपीठ महामार्गाची मोजणी आमदार संतोष बांगरांनी रोखली.मुख्यमंत्री देवेंद्र फडणवीस यांनी राज्यातील जनतेवर पुढील ९० वर्षांसाठी टोलचा भुर्दंड टाकून स्वतःसाठी या प्रकल्पातून ६० हजार कोटींचा ढपला पाडण्यासाठी हा प्रकल्प शेतकऱ्यांच्या माथी मारू नये. शेतकऱ्यांवर जोर जबरदस्ती करुन हा शक्तिपीठ महामार्ग झाला तर यातून कमीत कमी ६० हजार कोटी रुपये काळा पैसा त्यांच्या भविष्याच्या राजकारणासाठी वापरायला तयार होईल. यासाठी तसेच एका उद्योगपतीला खूश करण्यासाठी या शक्तिपीठ महामार्गाचा अट्टाहास केला जात आहे, असा आरोपही त्यांनी केला आहे..हळद उत्पादक जिल्हा म्हणून ओळखहिंगोलीची हळद उत्पादक जिल्हा म्हणून ओळख आहे. येथे राज्यातील एकूण उत्पादनाच्या तुलनेत ४० टक्क्यांहून अधिक हळदीचे उत्पादन घेतले जाते. येथून मोठ्या प्रमाणात देशभरात हळदीची निर्यात केली जाते. येथे हळद प्रक्रिया उद्योगही कार्यरत आहे. पण प्रस्तावित शक्तिपीठ महामार्गामुळे हळद उत्पादक शेतकरी चिंतेत आहेत. पोखर्णी (ता. जि. परभणी) येथील शेतकऱ्यांनीही शक्तिपीठ महामार्ग रद्द करण्यासाठी आक्रमक भूमिका घेतली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
