Pandharpur News: येथील चंद्रभागेचे पावित्र्य धोक्यात आले आहे. शहरातील मैलामिश्रित पाणी थेट चंद्रभागेच्या पात्रात मिसळत असल्याचा धक्कादायक प्रकार समोर आला आहे. मैलामिश्रित पाण्यामुळे चंद्रभागेत स्नान करणाऱ्या हजारो भाविकांच्या आरोग्याचा प्रश्न देखील या निमित्ताने समोर आला आहे. .दरम्यान, या प्रकारानंतर वारकरी संप्रदायातील अनेक वारकरी महाराज मंडळींनी व स्थानिक सामाजिक कार्यकर्त्यांनी नगरपालिकेच्या अनागोंदी कारभाराविषयी संताप व्यक्त केला. श्रावण महिना सुरू असल्याने श्री विठ्ठल- रुक्मिणी दर्शनासाठी व चंद्रभागेच्या स्नानासाठी राज्यभरातून हजारो भाविक पंढरपुरात येत आहेत..Chandrabhaga River Pollution : चंद्रभागा नदी तीरावर घाणीचे साम्राज्य.आलेले भाविक आधी चंद्रभागेत स्नान करतात. शहरातील ड्रेनेजमधून मैलामिश्रित घाण पाणी थेट नदीपात्रात मिसळत आहे. यामुळे नदीचे पावित्र्य व भाविकांचे आरोग्य देखील धोक्यात आले आहे..Chandrabhaga River : तीस कोटींच्या यंत्रणेनंतरही चंद्रभागेतील पाणी अस्वच्छच.येथील भक्तिसागर पालखी तळ परिसरातील स्वच्छतागृहे आणि इतर मठ आणि धर्मशाळेतील स्वच्छतागृहांमधून येणारे मैलामिश्रित पाणी जुन्या दगडी पुलाजवळच्या ड्रेनेजमधून चंद्रभागा पात्रात मिसळत असल्याची माहिती सामाजिक कार्यकर्ते गणेश अंकुशराव यांनी नगरपालिकेच्या संबंधित विभागाला दिली. परंतु, यावर तातडीने कारवाई झाली नाही. .‘पंतप्रधान, मुख्यमंत्र्यांना कमंडलूमधून पाणी पाठवू’चंद्रभागेत येणारे मैलामिश्रित पाणी तत्काळ बंद करावे; अन्यथा महर्षी वाल्मीक संघाच्या वतीने चंद्रभागेचे घाण पाणी पंतप्रधान आणि मुख्यमंत्र्यांना कमंडलूमध्ये भरून पाठवले जाईल, असा इशारा श्री. अंकुशराव यांनी दिला आहे..वारकरी संप्रदायामध्ये चंद्रभागा स्नानाला अन्यन्यसाधारण महत्त्व आहे. येथील पात्रात पवित्र स्नान करण्यासाठी हजारो भाविक व वारकरी येतात. परंतु, नगरपालिकेच्या अनागोंदी कारभारामुळे मैलामिश्रित पाणी येत असेल तर नदीचे पावित्र्य धोक्यात आले आहे. शिवाय भाविकांच्या आरोग्याचादेखील गंभीर प्रश्न निर्माण झाला आहे. नगरपालिकेने तातडीने उपाययोजना करून नदीमध्ये येणारे घाण पाणी बंद करावे.- विठ्ठल महाराज पाटील, अध्यक्ष, वारकरी साहित्य परिषद.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
