Cattle Crisis Deepens : सांगोला पावसाचा प्रदीर्घ खंड, खरीप पिकांचे नुकसान आणि रब्बीची रखडलेली पेरणी यामुळे सांगोला तालुक्यात चारा टंचाईचे संकट गडद होत आहे. पाण्यापाठोपाठ आता जनावरांच्या चाऱ्याचा प्रश्नही गंभीर बनला असून, पशुधन जगविण्याचे आव्हान पशुपालकांसमोर उभे राहिले आहे. या पार्श्वभूमीवर पारंपरिक चारा छावण्यांऐवजी जनावरांच्या संख्येनुसार थेट अनुदान द्यावे किंवा तालुक्यात चारा डेपो सुरू करावेत, अशी मागणी होत आहे..तालुक्यात गेल्या काही वर्षांत डाळिंबाचे क्षेत्र घटल्याने अनेक शेतकरी दुग्ध व्यवसायाकडे वळले आहेत. मात्र, पावसाअभावी खरीप पिके सुकली असून रब्बीची पेरणीही पुरेशा प्रमाणात झालेली नाही. त्यामुळे हिरव्या चाऱ्याची उपलब्धता कमी झाली आहे. सध्या उपलब्ध चाऱ्याच्या आधारे जनावरे सांभाळली जात असली, तरी ऊस गाळप सुरू झाल्यानंतर उसाचे वाडे मिळणेही बंद होणार आहे. परिणामी, आगामी काळात चाराटंचाई आणखी तीव्र होण्याची भीती आहे. चाऱ्याचे दर वाढल्यास दुग्ध व्यवसायाचा खर्च वाढून शेतकऱ्यांच्या उत्पन्नावरही परिणाम होऊ शकतो..Ridge Planter: एकाच वेळी सरी, पेरणी आणि खत देणारे सरी वरंबा प्लांटर कसे काम करते?.चारा छावण्यांपेक्षा थेट मदतीची मागणीदुष्काळी परिस्थितीत चारा छावण्या सुरू करण्याचा पर्याय चर्चेत असला, तरी मोठ्या संख्येने जर्सी गायी पाळणाऱ्या शेतकऱ्यांना तेथे जनावरे हलविणे अडचणीचे ठरू शकते. गायींचे नियमित दूध काढणे, दूध संकलित करणे आणि ते वेळेत डेअरीपर्यंत पोचविणे या दैनंदिन कामांवरही परिणाम होण्याची शक्यता आहे. त्यामुळे छावण्यांवरील खर्चाऐवजी जनावरांच्या संख्येनुसार थेट आर्थिक मदत दिल्यास पशुपालकांना आपल्या सोयीनुसार चारा खरेदी करता येईल. तसेच, चारा डेपो सुरू केल्यास जवळच्या ठिकाणी चारा उपलब्ध होऊन वाहतुकीचा त्रास कमी होऊ शकतो. पशुधनाचे नुकसान टाळण्यासाठी शासनाने तातडीने उपाययोजना कराव्यात, अशी मागणी पशुपालक करीत आहेत..Paddy Sowing: खेड तालुक्याच्या पश्चिम पट्ट्यात भात पेरणी सुरू.जनावरांची मोजणी सुरूसांगोला तालुक्यातील २४ पशुवैद्यकीय दवाखान्यांच्या कार्यक्षेत्रात जनावरांची मोजणी सुरू झाली आहे. पशुपालकांनी गायी, म्हशी, शेळ्या आणि मेंढ्यांची संख्या नमूद केलेला अर्ज भरून त्यास आधारकार्ड जोडावे. हा अर्ज स्थानिक ग्रामपंचायतीमार्फत संकलित करून संबंधित पशुवैद्यकीय दवाखान्यात जमा करावा, असे आवाहन पशुधन विभागाने केले आहे. या माहितीच्या आधारे दुष्काळी परिस्थितीत पशुधनासाठी आवश्यक उपाययोजनांचे नियोजन करण्यात येणार आहे.सांगोला तालुक्यातील पशुधनगायी : १,०७,६९९ म्हशी : ५०,६९३शेळ्या-मेंढ्या : २,४७,०००.माझ्याकडे लहान-मोठ्या मिळून ६० जर्सी गायी आहेत. सध्या कसाबसा चारा उपलब्ध करून जनावरे सांभाळत आहे. मात्र, आगामी काळात तीव्र चारा टंचाई निर्माण होण्याची शक्यता आहे. एवढ्या जनावरांना छावणीत नेणे, दूध काढणे आणि ते डेअरीपर्यंत पोचविणे कठीण होईल. त्यामुळे शासनाने छावण्यांऐवजी शेतकऱ्यांना थेट अनुदान द्यावे.- अमोल खंडागळे, पशुपालक, संगेवाडी, ता. सांगोला.पशुधनाची संख्या मोठी असल्याने चारा टंचाईच्या प्रश्नाकडे वेळीच लक्ष देणे गरजेचे आहे. जनावरांची संख्या संकलित करण्यासाठी तालुक्यातील २४ पशुवैद्यकीय दवाखान्यांच्या कार्यक्षेत्रात मोजणी सुरू आहे. पशुपालकांनी आवश्यक माहिती व कागदपत्रांसह अर्ज सादर करावेत.- नाना हालंगडे, पशुधन पर्यवेक्षक, सहायक आयुक्त कार्यालय, सांगोला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
