Agri Insurance : निफाड तालुक्यातील देवगाव महसूल मंडळातील खरीप २०२५ व रब्बी २०२५-२६ हंगामातील प्रलंबित पीकविमा दाव्यांसाठी शेतकरी कृती समितीने उभारलेल्या 'सरण आंदोलनाला' अखेर यश आले आहे. आंदोलनाची गंभीर दखल घेत जिल्हाधिकारी आयुष प्रसाद यांनी भारतीय कृषी विमा कंपनीला देवगाव महसूल मंडळातील नामंजूर करण्यात आलेले सर्व पीकविमा दावे मंजूर करून नुकसानभरपाईची रक्कम संबंधित शेतकऱ्यांच्या बँक खात्यात ३० दिवसांच्या आत जमा करण्याचे आदेश दिले आहेत..खरीप २०२५ हंगामातील अतिवृष्टीमुळे देवगाव महसूल मंडळातील सोयाबीन, मका, टोमॅटो व इतर पिकांचे तसेच रब्बी हंगामातही मोठ्या प्रमाणावर नुकसान झाले होते. मात्र, पीक कापणी प्रयोगातील त्रुटी, हवामान केंद्राच्या नोंदीतील विसंगती आणि तांत्रिक कारणांचा आधार घेत भारतीय कृषी विमा कंपनीने अनेक शेतकऱ्यांचे दावे नामंजूर केल्याने शेतकऱ्यांमध्ये तीव्र नाराजी पसरली होती..Crop Insurance Compensation: पीकविम्याची रक्कम दहा दिवसांत द्या; अन्यथा सरण आंदोलनाचा शेतकऱ्यांचा इशारा.या विरोधात मनोहर बोचरे, धनंजय जोशी, राजेंद्र मेमाणे, जयेश लोहारकर, राजेंद्र पाटील, अनिल खंडागळे, बापू तासकर, रामेश्वर शिंदे, रेवणसिद्ध लोहारकर, गणेश उफाडे, विलास शिरसाठ यांच्यासह शेतकरी कृती समितीने देवगाव येथे सरण आंदोलन छेडले होते. आंदोलनाला शेतकऱ्यांचा प्रतिसाद मिळाल्यानंतर मंत्री छगन भुजबळ यांच्याशी चर्चा झाली. जिल्हाधिकारी आयुष प्रसाद यांच्या अध्यक्षतेखाली व जिल्हा अधीक्षक कृषी अधिकारी रविंद्र माने यांच्या उपस्थितीत जिल्हा तक्रार निवारण समितीची बैठक झाली..बैठकीत शेतकरी प्रतिनिधींनी पीक कापणी प्रयोगातील त्रुटी, स्वयंचलित हवामान केंद्राच्या नोंदीतील विसंगती आणि विमा कंपनीच्या निकषांबाबत पुराव्यांसह भूमिका मांडली. त्यानंतर जिल्हाधिकारी प्रसाद यांनी नामंजूर करण्यात आलेले सर्व पीकविमा दावे तातडीने मंजूर करून पात्र शेतकऱ्यांच्या बँक खात्यावर विम्याची संपूर्ण नुकसानभरपाई ३० दिवसांच्या आत जमा करण्याचे आदेश दिले..Farmers Protest Suspend: देवगावातील ‘सरण आंदोलन’ तात्पुरते स्थगित.त्यामुळे देवगाव महसूल मंडळातील हजारो शेतकऱ्यांना मोठा दिलासा मिळाला आहे. बैठकीस भाऊसाहेब बोचरे, विनोद जोशी, प्रशांत कुलकर्णी, निवृत्ती गारे, बाबासाहेब गुजर, प्रकाश घोटेकर, शिवाजी सुपनर, शांताराम जाधव, पुंजाराम तासकर, नामदेव तासकर यांच्यासह शेतकरी उपस्थित होते..हा निर्णय शेतकऱ्यांच्या एकजुटीचा तसेच संयमी व लोकशाही मार्गाने लढलेल्या संघर्षाचा विजय आहे. आदेशांची प्रभावी अंमलबजावणी होऊन शेतकऱ्यांच्या खात्यात विम्याची रक्कम जमा व्हावी.– मनोहर बोचरे, आंदोलनकर्ते.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
