Nagpur News : ताडोबा-अंधारी व्याघ्र प्रकल्पात लोह खाणीला परवानगी देण्यात आल्यामुळे वाघांचा अधिवास धोक्यात आला आहे. यासंदर्भातील वृत्ताची मुंबई उच्च न्यायालयाच्या नागपूर खंडपीठाने गंभीर दखल घेत जनहित याचिका दाखल करण्याचे आदेश दिले आहेत. यासाठी न्यायालयीन मित्र म्हणून ॲड. गोपाल मिश्रा यांची नियुक्ती करण्यात आली असून, त्यांना जनहित याचिका दाखल करण्यासाठी दोन आठवड्यांचा अवधी दिला आहे..या प्रकरणावर न्यायमूर्ती अनिल किलोर आणि न्यायमूर्ती राज वाकोडे यांच्या समक्ष सुनावणी घेण्यात आली. ताडोबा-अंधारी व्याघ्र प्रकल्प हा वाघांचा संवेदनशील अधिवास असून, प्रस्तावित खाणीच्या पट्ट्यातच आठ वाघांचा निवास आहे. अनेक प्रसिद्ध वाघ याच अधिवासात राहतात. राज्य वन्यजीव मंडळाच्या ६ जानेवारीला झालेल्या बैठकीत तज्ज्ञ सदस्यांचा विरोध डावलून मंडळाच्या अध्यक्षांनी या खाणीला हिरवा कंदील दाखवला असल्याचे या वृत्तात म्हटले आहे..Tiger Attack: वाघाच्या हल्ल्यात महिलेचा मृत्यू.वाघांची घनता अधिक असलेल्या ताडोबा आणि उमरेड कऱ्हाडला या दोन्ही जंगलांना जोडणाऱ्या मार्गात ही खाण येते. घोडाझरी हे अभयारण्य हेही वाघांनी समृद्ध असलेल्या ब्रह्मपुरीलगतच आहे. तब्बल सात वर्षांपासून हा प्रस्ताव मंडळाच्या बैठकीत वारंवार नाकारण्यात आला. तज्ज्ञांच्या समितीनेही ही खाण जंगलात होऊ नये असाच अहवाल दिला. मात्र, त्यानंतरही ही खाण मंजूर करण्यात आली. याबाबतच्या विविध वृत्तांची दखल घेत न्यायालयाने स्वतःहून जनहित याचिका दाखल करण्याचा निर्णय घेतला..Tiger Cub Death: दसोड्याच्या जंगलात वाघिणीच्या शावकाचा मृत्यू.१८ हजार वृक्ष धोक्यातवाघांना आश्रय देणारे शेलझरी, साजा, बीजा, हेदू, भिर्रा आणि निर्माळीची झाडे जंगलात आहेत. मात्र, या प्रकल्पामुळे सुमारे १८ हजारांहून अधिक वृक्ष तोडली जाणार आहेत. ही खाण झाली तर वाघांचा अधिवास नष्ट होण्यासोबत वाघांचे एका जंगलातून दुसऱ्या जंगलात जाण्याचे मार्गही बंद होतील..६० वाघांचे अस्तित्व धोक्यातकेंद्रीय वन्यजीव मंडळाने खाण मंजुरीवर अंतिम शिक्कामोर्तब केल्यास एक-दोन नव्हे, तर तब्बल ६० पेक्षा अधिक वाघांचे अस्तित्व धोक्यात येणार आहे. खाणीच्या परिसरातच आठ निवासी वाघ आहेत. तर ‘बिट्टू’ नावाच्या वाघासह अनेक प्रसिद्ध वाघांचे वास्तव्य या ठिकाणी राहिले आहे. वन्यजीव संरक्षण कायद्याअंतर्गत अधिसूची एकमधील वाघांसह इतरही प्राण्यांचे वास्तव्य या भागात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
