Nanded News : जिल्ह्यात सप्टेंबरमध्ये झालेल्या अवकाळी पाऊस व अतिवृष्टीमुळे ३२ हजार ७३ हेक्टर क्षेत्रातील जिरायती, बागायती व फळपिकांचे नुकसान झाल्याची माहिती कृषी विभागाने दिली. या आपत्तीमध्ये ८३ हजार २६७ शेतकरी बाधित झाले आहेत. .या शेतकऱ्यांना सुमारे २८ कोटी ५२ लाख ३७ हजार रुपये इतका भरपाईचा प्रस्ताव शासनाकडे मागणीसाठी पाठविण्यात आला आहे. यापूर्वी जिल्ह्यात ६.४८ लाख हेक्टर क्षेत्राचे अतिवृष्टीमुळे नुकसान झाले होते. नांदेड जिल्ह्यात यंदा अतिवृष्टीमुळे पूरस्थिती उद्भवून शेतकऱ्यांचे मोठ्या प्रमाणात नुकसान झाले. .Rain Crop Damage : अतिवृष्टीमुळे ३ लाख हेक्टरवरील पिके बाधित.जून ते ऑगस्ट या कालावधीत झालेल्या अतिवृष्टीत नांदेडमध्ये सहा लाख ४८ हजार हेक्टरवरील पिकांचे नुकसान झाले होते. यासाठी शासनाने ५५३ कोटी रुपयांचा निधी मंजूर केला. यानंतर पुन्हा सप्टेंबर महिन्यातील अतिवृष्टीने शेतकऱ्यांचे उरलेसुरले स्वप्न पाण्यात गेले आहे..Crop Damage Survey : नाशिक जिल्ह्यात अतिवृष्टीचे पंचनामे पूर्ण; सव्वाचार लाख शेतकऱ्यांना फटका.या महिन्यात दोन हजार ७३ हेक्टर क्षेत्रातील जिरायती, बागायती व फळपिकांचे नुकसान झाले. या आपत्तीचा फटका ८३ हजार २६७ शेतकऱ्यांना बसला. यात बाधितांना सुमारे २८ कोटी ५२ लाख ३७ हजार ५० रुपयांची मागणी शासनाकडे करण्यात आली आहे. परंतु प्रत्यक्ष मदत मिळेपर्यंत शेतकऱ्यांच्या नजरा शासनाच्या निधीकडे लागले आहे. शासनाने तातडीने निधी वितरित करून शेतकऱ्यांना दिलासा द्यावा, अशी मागणी होत आहे. .पूर्णपणे बुडित क्षेत्रकाही तालुक्यांत पूर्णपणे बुडित क्षेत्र झाल्याने शेतकऱ्यांवर आर्थिक संकट ओढवले आहे. शेतकऱ्यांच्या अपेक्षा आणि प्रशासनाची भूमिका कृषी विभागाने पंचनामे करून अहवाल शासनाकडे पाठविला आहे. मात्र अजूनही प्रत्यक्ष मदत पोहोचलेली नसल्याने शेतकरी चिंतेत आहेत. लवकरात लवकर मदत मिळाली नाही, तर आगामी रब्बी हंगाम धोक्यात येईल, अशी प्रतिक्रिया शेतकरी संघटनांकडून व्यक्त होत आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
