Buldhana News: देशातील एका नामांकित कंपनीच्या बनावट औषधाची विक्री करण्यात येत असल्याचे प्रकरण जिल्ह्यातील लोणारमध्ये उघडकीस आले आहे. कृषी विभागाच्या गुणनियंत्रण यंत्रणा व पोलिसांनी संयुक्तरीत्या कारवाई करीत या प्रकरणी विक्रेत्याविरुद्ध गुन्हा दाखल केला आहे. २९ हजार ८०० रुपयांचा मुद्देमाल जप्त करण्यात आला आहे. .याबाबत मिळालेल्या माहितीनुसार, सिंजेंटा कंपनीच्या एका उत्पादनाची कॉपी करीत तशाच पॅकिंगमध्ये विक्री केली जात असल्याची माहिती कंपनीला मिळाली होती. यानंतर कंपनीतर्फे सतीश पिसाळ यांनी पोलिस व लोणार तालुका कृषी अधिकाऱ्यांकडे याबाबत तक्रार दिली..Fake Pesticide: ऑनलाईन बनावट कीडनाशक विक्री रोखण्यासाठी कडक नियम हवेत, 'क्रॉपलाईफ'ची मागणी.या तक्रारीची खातरजमा केली असता लोणार येथील अरिहंत अॅग्रो या विक्री केंद्रावर सिंजेंटा कंपनीच्या ‘इसाबियान’ औषधाच्या एक लिटर क्षमतेच्या १६ बाटल्या सापडल्या. ही पॅकेजिंग व बाटल्याही बनावट असल्याचा कंपनीने आक्षेप घेतला आहे. जिल्हा गुणनियंत्रण अधिकारी गणेश सावंत, तालुका गुण नियंत्रक अनिल सांगळे यांनी या प्रकरणी तीन बाटल्या सीलबंद करून पंचनामा केला. याचा नमुना काढून तपासणीसाठी पाठवला जाणार आहे. तर उर्वरित १३ बाटल्या पोलिसांनी ताब्यात घेतल्या..Bay Leaf Medicinal Uses : वाचा तमाल पत्राचे सेवन करण्याचे अद्भूत फायदे.ही कारवाई विभागीय कृषी सहसंचालक गणेश घोरपडे, जिल्हा अधीक्षक कृषी अधिकारी संतोष डाबरे, विभागीय गुण नियंत्रण अधिकारी नितीन लोखंडे आणि श्री. पाटील यांच्या मार्गदर्शनाखाली श्री. सावंत व श्री. सांगळे यांनी केली. पोलिसांनी या प्रकरणात सचिन सुभाषचंद्र बोरा (वय ४७) यांच्याविरूद्ध गुन्हा दाखल करीत चौकशी सुरू केली आहे, अशी माहिती कृषी विभागातर्फे देण्यात आली..शेतकऱ्यांनी कुठल्याही निविष्ठा खरेदी करताना अधिकृत विक्रेत्याकडून कराव्यात, तसेच त्याची रीतसर पावतीही घ्यावी. यामुळे अशा प्रकारांना आळा घातला जाईल. तसेच शेतकऱ्यांचीही फसवणूक रोखता येईल- संतोष डाबरे, जिल्हा अधीक्षक कृषी अधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
