Nagpur News: भारतीय कृषी संशोधन परिषदेअंतर्गत असलेल्या पुष्पविज्ञान संशोधन संचालनालयाच्या शास्त्रज्ञांना मोगरा कळीवर आक्रमण करणाऱ्या मिजमाशीची नवी प्रजाती शोधण्यात यश आले आहे. कॉन्टारिनिया आयकार्डिफ्लोरेस असे या नव्या किडीचे नामकरण करण्यात आले आहे. हे नामकरण करताना संस्थेच्या नावाचा त्यात समावेश करण्यात आल्याची माहिती संस्थेचे वरिष्ठ शास्त्रज्ञ डॉ. डी. एम. फिरके यांनी दिली..डॉ. फिरके यांनी दिलेल्या माहितीनुसार, गेल्या काही वर्षांत मोगरा कळ्यांवर अळीचा प्रादुर्भाव होत असल्याचे निरीक्षण नोंदविण्यात आले. या अळीच्या प्रादुर्भावामुळे पांढऱ्या रंगाच्या कळ्या जांभळ्या रंगात परावर्तित होऊन कुजतात. फूल उत्पादक पट्ट्यातून यासंबंधी तक्रारी वाढल्या होत्या. त्याची दखल घेत पुणे येथील पुष्प संशोधन संचालनालयाच्या वतीने संशोधन प्रकल्प हाती घेण्यात आला..Agriculture Research: चिकू बियांपासून स्टीमबायोटिक विकसित.संचालनालयाचे संचालक डॉ. के. व्ही. प्रसाद यांचे मार्गदर्शन त्यासाठी मिळाले. या प्रकल्पात संचालनालयातील वरिष्ठ शास्त्रज्ञ डॉ. डी. एम. फिरके यांच्या नेतृत्वात डेहराडून येथील डॉ. वसंतकुमार एस., शिमला येथील डॉ. के.सी. नागा तर पुणे येथील डॉ. एस. एस. पंडित कार्यरत होते. याविषयावर २०२१ मध्ये संशोधन सुरू करण्यात आले. ते २०२३ मध्ये पूर्णत्वास गेले. संशोधनात महत्त्वाची बाब म्हणजे आढळलेल्या नव्या अळीची डीएनए चाचणी करण्यात आली..Agriculture Research: रंगीत बटाटा प्रयोगाची तज्ज्ञांकडून पाहणी.त्यासोबतच आण्विक साधने वापरुन एकात्मिक अभ्यास करण्यात आला. त्याआधारे मोगरा पिकात सध्या असलेल्या किडीपेक्षा ती वेगळी असल्याचे सिद्ध झाले. कॉन्टारिनिया मॅक्युलिपेनिस फेल्ट या अळीसारखी ती दिसत असली तरी अनुवांशिकदृष्ट्या वेगळी आहे. या अभ्यासात अचूकता आणि जलद निदानासाठी अत्याधुनिक तंत्रज्ञानाचा (मायटोकॉड्रियल ऑक्सिडेस सब युनिट) वापर करण्यात आला आहे. कॉन्टारिनिया आयकार्डिफ्लोरेस अळी सोळा ते वीस दिवसांत आपले जीवनचक्र पूर्ण करते..मादी कळीच्या आत अंडी घालते. एक ते दोन दिवसांतून त्यातून निघालेल्या अळ्या फुलाच्या मधील भाग खाते आणि विषारी पदार्थ सोडते. त्यातून आतील भागात गाठी तयार होतात. त्यामुळे पांढऱ्या रंगाची असलेली कळी ही जांभळ्या रंगात परावर्तीत होऊन कुजतात. अळी चौथ्या दिवशी जमिनीवर येते. जमिनीत आठ ते दहा दिवस कोषावस्थेत राहते. पुढे प्रौढ झाल्यानंतर नर-मादी यांचे मिलन होते. कळीच्या आत कीटकनाशक पोचत नसल्याने नियंत्रण करणे कठीण असते. त्यामुळे एकात्मिक कीड नियंत्रण पद्धतीचा अवलंब करावा लागतो.डॉ. डी. एम. फिरके, वरिष्ठ शास्त्रज्ञ, पुष्पविज्ञान संशोधन संचालनालय, पुणे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
