Parbhani News : मुक्त चुन्याचे प्रमाण अधिक असल्यास उत्पादकता कमी येते. त्यामुळे माती तपासणी करूनच मोसंबी व संत्रा फळपीकांची लागवड करावी. चांगले मातृवृक्ष असलेल्या रोपवाटीकेतील रोपांची निवड करावी. बहार व्यवस्थापन, कोटेकोर पाणी, कीड, रोग व्यवस्थापनातून उत्पादकता वाढेल, दर्जेदार उत्पादन मिळेल. .चांगले दर मिळून आर्थिक फायदा होईल, असे प्रतिपादन वसंतराव नाईक मराठवाडा कृषी विद्यापीठाच्या बदनापूर येथील मोसंबी संशोधन केंद्राचे निवृत्त प्रभारी अधिकारी मोसंबी तज्ज्ञ डॉ. एम. बी. पाटील यांनी केले..Citrus Limetta Market: बाजारात गुणवत्तापूर्ण मोसंबीला चांगला दर मिळणार.महाराष्ट्र अॅग्री बिझनेस नेटवर्क (मॅग्नेट) प्रकल्पाअंतर्गंत महाराष्ट्र सहकार विकास महामंडळ, कृषी विभाग, आत्मा, वसंतराव नाईक मराठवाडा कृषी विद्यापीठा यांच्यातर्फे रुढी पाटी (ता. मानवत) येथील संत ज्ञानेश्वर महाराज सभागृहामध्ये शुक्रवारी (ता. १९) आयोजित मोसंबी-उत्तम कृषी पद्धती बाबत शेतकरी प्रशिक्षणात ते बोलत होते..यावेळी श्री. मनिषानंद पुरीजी महाराज,आत्माचे प्रकल्प उपसंचालक अभिजित घोडके, तालुका कृषी अधिकारी गणेश कोरेवाड, मॅग्नेटचे विभागीय सहाय्यक प्रकल्प अधिकारी केशव चव्हाण, एमसीडीसी प्रशिक्षण अधिकारी हेमंत जगताप, वसंतराव नाईक मराठवाडा कृषी विद्यापीठातील कीटकशास्त्रज्ञ डॉ. डी. डी. पटाईत, अन्नतंत्र महाविद्यालयातील डॉ. अनुप्रिया जोशी, निवृत्त विस्तार कृषिविद्यावेत्ता डॉ. यु. एन. आळसे, राहुल शेळके, मारुती पवार, मुसा कुरेशी, अमोल निर्वळ, रामभाऊ शिंदे, उद्धव भिसे आदी उपस्थित होते..Mosmbi Orchard : मोसंबी बागांची सुरुवातीच्या काळात काळजी घ्या.कोरेवाड म्हणाले, की मानवत तालुक्यात सुमारे सहाशे हेक्टर संत्रा लागवड असून उत्पादकता वाढीसाठी आवश्यक तंत्रज्ञान शेतकऱ्यांपर्यंत पोहोचवले जात आहे. शेळके यांनी मॅग्ननेट प्रकल्पाबाबत तर घोडके यांनी आत्मा अंतर्गंत योजनांची माहिती दिली. पवार म्हणाले, की ८० टक्केवर महिला घरकामे करून शेतीकामे करतात. .डॉ. पाटील म्हणाले, की मोसंबी व संत्रा यांचे लागवड तसेच पीक व्यवस्थापन तंत्रज्ञान सारखेच आहे. भारी जमिनीवर गादी वाफ्यावर दक्षिणोत्तर लागवड करावी. झाडाला पश्चिम बाजूने आधार द्यावा. फळबागेत कपाशीचे आंतरपीक घेऊ नये. .सोयाबीन, मूग, उडीद, हरभरा आदी कमी उंचीची आंतरपिके घेता येऊ शकतात. पहिली तीन वर्षे ताग पेरणी करून जमिनीत गाडून टाकावा. फळ काढणीनंतर वाळलेल्या फांद्या काढून टाकाव्यात.डॉ. पटाईत म्हणाले, की संत्रा फळपीकावरील किडींचे एकात्मिक व्यवस्थापन करावे. डॉ. जोशी यांनी संत्रा, मोसंबी फळप्रक्रिया उद्योगातील संधी, तंत्रज्ञान यावर माहिती दिली. परिसरातील शेतकरी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
