Hingoli News : हिंगोली जिल्ह्यात संत्रा लागवडीसाठी संधी आहे.अधिक उत्पादकतेसाठी शास्त्रीय पद्धतीने लागवडीवर भर द्यावा लागेल. प्रक्रियेतून संत्र्याचे मूल्यवर्धन होईल. शेतकऱ्यांचा अधिक फायदा होईल. त्यादृष्टीने संत्र्यांच्या नवीन वाणांची करावी लागेल. बागेचे काटेकोर व्यवस्थापन करावे लागेल, असा सूर बुधवारी (ता. २०) तोंडापूर (ता. कळमनुरी) येथील कृषी विज्ञान केंद्रामध्ये आयोजित संत्रा लागवड तंत्रज्ञान प्रशिक्षण-चर्चासत्रात उमटला..तळेगाव दाभाडे (जि. पुणे) येथील राष्ट्रीय कापणी पश्चात तंत्रज्ञान संस्था,छत्रपती संभाजीनगर येथील मॅग्नेट प्रकल्प व तोंडापूर येथील कृषी विज्ञान केंद्र यांच्यातर्फे संत्रा पिकाची लागवड तंत्रज्ञान या विषयावर एक दिवसीय प्रशिक्षण-चर्चासत्र आयोजन करण्यात आले होते. नांदेडचे जिल्हाधिकारी राहुल कर्डिले विशेष अतिथी म्हणून उपस्थित होते. .Orange Variety Research: नागपुरी संत्रा वाणाला पंदेकृवि देणार पर्याय.आमदार बाबूराव कोहाळीकर, लातूर विभागीय कृषी सहसंचालक साहेबराव दिवेकर, कृषी महाविद्यालयाच्या प्राचार्य माधुरी काटकर,कृषी विज्ञान केंद्राचे वरिष्ठ शास्त्रज्ञ तथा प्रमुख डॉ. पी. पी. शेळके, मॅग्नेटचे राहुल शेळके,राष्ट्रीय कापणी पश्चात तंत्रज्ञान संस्थेचे रवींद्र देशमुख उद्यानविद्या विशेषज्ञ अनिल ओळंबे, वाशिम येथील कृषी विज्ञान केंद्राचे निवृत्ती पाटील, सगरोळी कृषी विज्ञान केंद्राचे संतोष चव्हाण आदी उपस्थित होते. .Orange Orchard : बुरशीजन्य देठसुकी, फांदी मर, फळगळ व्यवस्थापन.कर्डिले म्हणाले, की नाशिक येथील सह्याद्री फार्मर प्रोडूसर कंपनीच्या माध्यमातून संत्र्यांच्या नवीन वाणांच्या लागवडीसाठी पुढाकार घेतला जात आहे. या वाणाची शेतकऱ्यांनी लागवड केल्यास चांगली बाजारपेठ मिळू शकेल. .त्यासाठी कृषी विज्ञान केंद्र आणि सह्याद्री फार्मर्स प्रोड्युसर कंपनी यांचा समन्वय घडवून आणण्यासाठी पुढाकार घेऊ. दिवेकर म्हणाले, की कृषी विभाग व कृषी विज्ञान केंद्र यांनी समन्वयाने काम करावे लागेल. डॉ. शेळके म्हणाले, की हिंगोली जिल्ह्यांमध्ये संत्रा लागवडीसाठी बराच वाव आहे. संत्र्याची शास्त्रशुद्ध पद्धतीने लागवड करावी. हिंगोली जिल्ह्यातील विविध तालुक्यातील शेतकरी सहभागी झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
