Nanded News : कोलंबी (ता. नायगाव) येथील हळदा रस्त्यावर एक स्कूल बस १८ विद्यार्थी, एक शिक्षक व चालकासह पुराच्या पाण्यात अडकली होती. नाल्यावरून प्रचंड पाणी वाहत असल्यामुळे गावकरी, महसूल अधिकारी, तलाठी आणि कर्मचारी यांनी मानवी साखळी तयार करून सर्वांना सुरक्षित ठिकाणी हलवले. सुदैवाने कोणतीही जीवितहानी \झाली नाही..उपविभागीय अधिकारी क्रांती डोंबे यांनी दिलेल्या माहितीनुसार, सध्या परिस्थिती नियंत्रणात आहे आणि प्रशासन सतत परिस्थितीवर लक्ष ठेवून आहे. काही मंडळांमध्ये अजूनही जोरदार पाऊस सुरू आहे, त्यामुळे नदी-नाल्यांना पूर येण्याची शक्यता नाकारता येत नाही. नागरिकांनी सतर्क राहावे, असे आवाहन जिल्हा प्रशासनाने केले आहे..Nanded Rain Damage : नुकसानग्रस्तांना सर्वतोपरी मदत .सुरक्षित स्थळी २,२५१ नागरिकांचे स्थलांतरहवामानाचा अंदाज लक्षात घेता बुधवारी संध्याकाळी एसडीआरएफ टीम देगलूर येथे पाठवण्यात आली होती. या टीमने सांगवी उमर, मेदनकल्लूर, शेळगाव, तमलूर या संभाव्य पूरग्रस्त गावांमधून २,२५१ नागरिकांचे सुरक्षित स्थळी स्थलांतर केले..Nanded Heavy Rain: नांदेडला पुन्हा मुसळधार पाऊस.सीआरपीएफची टीम सध्या धर्माबादमध्ये कार्यरत आहे, तर एसडीआरएफची दुसरी टीम कंधार तालुक्यात बचाव कार्यासाठी पाठवण्यात आली आहे. तसेच महापालिकेच्या शोध-बचाव पथकाने नायगाव तालुक्यात दोन यशस्वी बचाव मोहिमा पार पाडल्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
