Tribal Regions: खानदेशात सातपुडा पर्वत भागात मजुरांसाठी पुरेशी शेतीकामे नसल्याने या भागातील मजूर कामाच्या शोधात सपाटीवरील गावांमध्ये आले आहे. सातपुडा पहाडातील पर्वतरांगांमध्ये वसलेल्या गावांमध्ये या दिवसांत बागायती पिके किंवा सिंचनाखालील क्षेत्र नसल्याने मजुरांसाठी अडचणी ठरत आहेत. .येणाऱ्या खरीप पेरणीपर्यंत कुठलेच काम तेथे मिळणार नसल्याने मजुरांच्या कुटुंबावर स्थलांतराची वेळ आली आहे. सध्या सातपूड्याच्या पहाडपट्यात शुकशुकाट असल्याने हे मजूर घरीच असतात..Migrant Worker : सातपुडा पहाडातील मजूर कामाच्या शोधात सपाटीवर.त्यामुळे काम करून काहीतरी कमावता येईल हा उद्देश घेऊन हे मजूर आपले बिऱ्हाड डोक्यावर घेऊन सपाट भागातील विविध गावांमध्ये, बागायती क्षेत्र असलेल्या गावांत दोन-तीन महिन्यांसाठी येतात. सद्यःस्थितीत खानदेशातील अक्कलकुवा, खापर, तळोदा, शहादा, शिरपूर, चोपडा, यावल, भुसावळ, मुक्ताईनगर या सातपुडा लगत असलेल्या भागातील मजूर कामासाठी सपाटीवरील गावांमध्ये आलेले दिसत आहे..Farm Labour Shortage: शेतमजुरांची टंचाई; सालगडी मजुरी अडीच लाखांवर.काढणी, कापणीला वेगमजुरांकडून सध्या कांदा काढणी, मका कापणी व काढणी, ज्वारी, बाजरी कापणी, खतांची वाहतूक, उडीद-मूग तोडणी, कडबा कुट्टी वाहतूक, भुईमूग काढणी, शेतीमशागत आदी कामे सुरू आहेत. रावेर, चोपडा, यावलकडील भागांत केळी पिकातील कामे व अन्य कामे या मजुरांकडून केली जात आहेत. .त्यांना मजुरीपोटी रोख रकमेसह ज्वारी बाजरी दिली जाते. पावसाळ्यासाठी उदरनिर्वाहाची व्यवस्था ही मंडळी करून घेत आहे. सध्या ही मंडळी रोजंदारीने काम करत असून त्यांना दिवसाकाठी अडीचशे ते चारशे रुपये रोज मिळत आहे. त्यातून पुढे पावसाळ्यातील खर्चाची तरतूद होण्यास मदत होणार आहे. उन्हाळ्यातील बेरोजगारीची अडचणही दूर होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
