Water Stock Jalgaon: खानदेशातील सातपुडा पर्वतातील आणि पर्वतालगतचे अनेक सिंचन प्रकल्प भरले आहेत. लघु प्रकल्प आणि तलावांमध्येही बऱ्यापैकी जलसाठा आहे. सातपुड्यातील पाणी वाहून जात असल्याने सिंचन प्रकल्पांमध्ये मुबलक जलसाठा असणे आवश्यक आहे. अन्यथा टंचाईचा सामना करावा लागतो, असे शेतकरी आणि ग्रामस्थांचे म्हणणे आहे..सातपुड्यात जूनमध्ये पावसाचे प्रमाण कमी होते. मागील वर्षी मात्र या भागात अतिवृष्टी झाली होती. यंदा जुलैमध्येच रावेर तालुक्यातील सातपुड्यातील मध्यम प्रकल्प १०० टक्के भरले होते. त्यात अभोडा, मंगरूळ आणि सुकी या मध्यम प्रकल्पांचा समावेश आहे. तसेच यावल तालुक्यातील मोर मध्यम प्रकल्प आणि निंबादेवी लघु प्रकल्पही भरला आहे..Irrigation Projects Update: सिंचन प्रकल्पांत अल्प आवक.चोपडा तालुक्यातील गूळ प्रकल्प, चिंचपाणी, डुकरणे, चांदण्या तलाव आदी प्रकल्पांमध्येही बऱ्यापैकी जलसाठा तयार झाला आहे. धुळे जिल्ह्यातील अनेर व अन्य तलावही भरले आहेत. मात्र, नंदुरबार जिल्ह्यातील शहादा आणि तळोदा परिसरातील सातपुड्यातील सर्व तलाव व लघु प्रकल्प अद्याप पूर्ण क्षमतेने भरलेले नाहीत..Minor Irrigation Projects : परभणीतील १३ लघू प्रकल्पांचा पाणीसाठा जोत्याखाली.चोपडालगत अडचणचोपडा तालुक्यातील डुकरणे, चिंचपाणी आणि चांदण्या तलावांमध्ये जलसाठा कमी आहे. सातपुड्यातील चोपडा भागातील चिंचपाणी प्रकल्पात मागील चार-पाच वर्षांपासून जलसाठा अल्प आहे. या भागात पावसाचे प्रमाण कमी राहिल्याने ही स्थिती निर्माण झाली आहे. प्रकल्पांतील जलसाठा घटल्याने सातपुड्यातील जीवसृष्टीला फटका बसू शकतो. टंचाई निर्माण झाल्यास अनेक वन्यप्राणी पाण्याच्या शोधात गावोगावी आणि सपाटीच्या भागात येतात. माकड, रानडुक्कर, हरीण आदी वन्यप्राणी सपाटीच्या भागात दाखल झाले आहेत..अडचण दूर होण्याची शक्यतासातपुड्यातील बहुतांश सिंचन प्रकल्पांमध्ये सध्या बरा जलसाठा आहे. हा जलसाठा पुढेही टिकून राहिल्यास पुढील वर्षी टंचाईची समस्या कमी राहण्याची शक्यता आहे. मात्र, अनेक भागांत पाऊस पडून पाणी वाहून जाण्याची स्थिती आहे. त्याचाही परिणाम होतो. आदिवासी पाड्यांमध्ये विंधन विहिरींची गरज अधिक आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
