Jalgaon News : खानदेशात सातपुडा पर्वतातील काही लघु व मध्यम प्रकल्प भरले आहेत. त्यात यावल तालुक्यातील मोर, हरिपुरा, वड्री, रावेरातील मंगरूळ, नंदुरबारमधील शहाद्यातील सुसरी या प्रकल्पांत जलसाठा मुबलक आहे. .नंदुरबारातील अक्कलकुवा, धडगाव, शहादा, तळोदा, धुळ्यातील शिरपूर, जळगावातील चोपडा, यावल, रावेर, मुक्ताईनगरलगत सातपुडा पर्वतरांगा आहेत. या भागात अनेक लहान-मोठे सिंचन प्रकल्प या महिन्यातील पावसाने भरू लागले आहेत. यात नंदुरबारातील सुसरी हा लघु प्रकल्पदेखील भरत आहे. शिरपुरातील अनेर प्रकल्पातूनही विसर्ग सुरू आहे. .Sangli Water Storage : दुष्काळी पाच तालुक्यांतील ३३ प्रकल्प पूर्ण क्षमतेने भरले.चोपड्यातील गूळ प्रकल्पातही जलसाठा मुबलक आहे. यावलमधील मोर मध्यम प्रकल्पदेखील भरील, अशी स्थिती आहे. रावेरातील मंगरूळ प्रकल्प १०० टक्के भरला आहे. तसेच अभोडा प्रकल्पातदेखील ९० टक्क्यांवर जलसाठा आहे. यावलमधील मोर, रावेरातील अभोडा, मंगरूळ व सुकी हे प्रकल्प मागील वर्षी जुलैमध्येच भरले होते. यंदाही मोर, सुकी हे मध्यम प्रकल्प भरतील, अशी स्थिती आहे..Marathwada Water Storage : ‘जायकवाडी’चा उपयुक्त पाणीसाठा ९८.३० टक्क्यांवर .गिरणातील साठा ९० टक्क्यांवरजळगाव जिल्ह्यात भुसावळनजीकच्या तापी नदीवरील हतनूर प्रकल्पातही आवक सुरू आहे. तापी नदीच्या उगमक्षेत्रात व पूर्णा नदीच्या क्षेत्रातही चांगला पाऊस आहे. तापी नदीचे उगमक्षेत्र सातपुडा पर्वतात बैतुल भागात आहे. सातपुड्यातून ही नदी खानदेशात येते. चांगदेव (ता.मुक्ताईनगर) येथे पूर्णा नदी तापीला येऊन मिळते. खानदेशात जळगाव, धुळे व नंदुरबार या तिन्ही जिल्ह्यांतून नदीचा मोठा प्रवाह जातो..हतनूर धरणात पाण्याची आवक सुरू आहे. त्यातून मागील ६५ ते ६६ दिवस पाण्याचा विसर्ग सुरूच आहे. तापी नदीवरील जळगाव तालुक्यातील शेळगाव बॅरेज, धुळ्यातील सुलवाडे, नंदुरबारातील प्रकाशा व सारंगखेडा बॅरेजमधूनही विसर्ग सुरू आहे..पुढे हे पाणी गुजरातमधील उकाई धरणात पोचत आहे. गिरणा नदीवरील सर्वात मोठ्या गिरणा धरणातही जलसाठा शनिवारी (ता.३०) सकाळी ९० टक्क्यांवर होता. गिरणा धरण भौगोलिकदृष्ट्या नाशिकमधील नांदगावात आहे. पण त्याचा उपयोग जळगाव जिल्ह्यात अधिक आहे. १८ टीएमसी एवढी त्याची साठवण क्षमता आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
