Kolhapur News: जमिनीची मोजणी करताना शेतकऱ्यांना मनस्ताप सहन करावा लागत होता. जुन्या मोजणीच्या पद्धतीमुळे श्रम व वेळ जात होता. आता रोव्हर या सॅटेलाइट मोजणी यंत्रामुळे मोजणीच्या कामाला गती येणार आहे. जिल्हाधिकारी अमोल येडगे यांच्या संकल्पनेतून जिल्ह्यात आतापर्यंत ७८ रोव्हरची संख्या झाल्यामुळे इलेक्ट्रिक यंत्रसामग्रीमुळे भूमिअभिलेख विभाग गतीने काम करण्यासाठी सज्ज झाला आहे..भूमिअभिलेख विभागाकडून सर्व नकाशांची डिजिटायझेशन होत असून, सर्व प्रकारचे नकाशे मार्चनंतर डिजिटल मिळणार आहेत. यंत्रसामग्री व डिजिटल नकाशांमुळे मोजणीच्या कामाला आणखी गती येणार आहे..Land Measurement : जमीन मोजणी प्राधान्यक्रमाने होणार.राज्यात कोल्हापूर जिल्ह्यात पहिला रोव्हर उपलब्ध झाला होता. तीन वर्षांपूर्वी तत्कालीन जिल्हाधिकारी दौलत देसाई यांनी डीपीडीसीमधून रोव्हर दिले होते. पूर्वी शेतकऱ्यांना शेत जमिनीची मोजणी करण्यासाठी झेंडे धरण्यासाठी मजूर पुरवावे लागत होते. .Land Measurement : शेतजमीन हिस्से वाटप मोजणी शुल्कात कपात? .दिवसभर मोजणीची कामे चालत होती. त्यामुळे श्रमाचे काम करावे लागत होते. वेळ जात होता. दिवसभर मोजणीचे काम चालत होते. आता आधुनिक पद्धत रोव्हर सॅटेलाइटमुळे अर्ध्या तासात मोजणी होत आहे..जिल्ह्यात एकूण ५६ रोव्हर भूमिअभिलेख विभागाकडे होते. यामधील आठ रोव्हर खराब झाले होते. मोजणीची कामेही प्रलंबित पडू लागली होती. जिल्ह्यात महिन्याला एक हजार मोजणीचे प्रस्ताव येतात. खराब झालेले आठ रोव्हरच्या दुरुस्तीसह जिल्ह्यांत रोव्हरची ७८ संख्या झाली असून, यंत्रसामग्रीमुळे मोजणीच्या कामाला गती आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
