Chandrashekhar Bawankule Reply On Land Record Fraud: राज्यात ७/१२ उताऱ्यांमध्ये बेकायदेशीररित्या फेरफार करून शेतकऱ्यांची फसवणूक केल्याचा मुद्दा विधानसभेत पोहोचला आहे. राज्यातील महसूल विभागामध्ये शुद्धलेखन दुरुस्तीच्या नावाखाली महाराष्ट्र जमीन महसूल संहितेच्या कलम १५५ चा गैरवापर करून ७/१२ उताऱ्यांमध्ये नावे, क्षेत्रफळ बदल तसेच विविध प्रकारचे शेरे विनापरवाना नोंदविण्यात आले. यात मोठ्या प्रमाणावर फेरफार करुन शेतकऱ्यांची फसवणूक केल्याचे निदर्शनास आले आहे. या प्रकरणी महसूलमंत्री चंद्रशेखर बावनकुळे यांनी महत्त्वाचा खुलासा केला आहे. अशा एकूण ४२४ प्रकरणांमध्ये अनियमितता झाल्याचे दिसून आले आहे, अशी माहिती त्यांनी दिली..याबाबत भास्कर जाधव (गुहागर), सुधीर मुनगंटीवार (बल्लारपूर), देवयानी फरांदे (नाशिक मध्य), भिमराव (आण्णा) धोंडिबा तापकीर (खडकवासला), शंकर जगताप (चिंचवड) आणि हारून खान (वर्सोवा) यांनी प्रश्न विचारले होते. त्यावर महसूलमंत्र्यांनी लेखी उत्तरातून खुलासा केला आहे. .महसूल व वन विभाग, शासन निर्णय ९ मे २०२५ अन्वये विभागीय आयुक्त, नाशिक यांच्या अध्यक्षतेखाली पुणे जिल्ह्यातील मागील ५ वर्षांमध्ये क्षेत्रीय अधिकाऱ्यांनी महाराष्ट्र जमीन महसूल संहिता, १९६६ चे कलम १५५, १८२ व २२० अन्वये जारी केलेल्या आदेशांची व निर्णयांची चौकशी करण्यासाठी समिती गठित केली..सदर समितीने १३ जानेवारी २०२६ रोजीच्या पत्रान्वये चौकशी केलेल्या प्रकरणांचा अहवाल शासनास सादर केला. सदर अहवालानुसार पुणे जिल्ह्यातील मागील ५ वर्षांमधील कलम १५५ ची ३८,०२७ प्रकरणे तपासणीसाठी सादर करण्यात आली. त्यापैकी पूर्ण कागदपत्र प्राप्त झालेल्या २,३३७ प्रकरणांपैकी समितीला एकूण ४२४ प्रकरणांमध्ये अनियमितता झाल्याचे दिसून आले, अशी माहिती महसूलमंत्र्यांनी दिली आहे. .Land Record Fraud: मोठा घोटाळा उघड! 'कलम '१५५' चा गैरवापर; पुणे विभागात ४०० प्रकरणे आढळली, संपूर्ण राज्यात तपास.त्यांनी अधिक दिलेल्या माहितीनुसार, सदर प्रकरणांचे अनियमिततेच्या स्वरुपानुसार 'अ' अतिगंभीर, 'ब' गंभीर व 'क' किरकोळ अशी ३ प्रकरात वर्गवारी केली आहे. 'अ' अतिगंभीर वर्गवारीत १३ प्रकरणे, 'ब' गंभीर मध्ये २४७ मध्ये व 'क' किरकोळ वर्गवारीत १६४ अशा एकूण ४२४ प्रकरणांमध्ये बेकायदेशीर कार्यपद्धतीचा अवलंब करून आदेश पारित करण्यात आल्याचे दिसून आले आहे. पुणे विभागीय आयुक्तांनी केलेल्या छाननीअंती सर्व 'अ, ब व क' वर्गवारीतील प्रकरणांमध्ये एकूण १३१ अधिकारी/कर्मचारी संबंधित असल्याचे दिसून येत आहे..Land Record Fraud: सातबारा, फेरफार नोंदीत बेकायदा बदल .एकूण ४२४ प्रकरणांमध्ये संबंधित शेतकऱ्यांच्या जमिनींच्या अधिकार अभिलेख गाव नमुना क्र. ७/१२ मधील नावांमध्ये बदल, क्षेत्रांमध्ये बदल अथवा धारणाधिकारामध्ये बदल झालेला दिसून येत आहे. शासन पत्र १० मार्च, २०२६ अन्वये 'महाराष्ट्र जमीन महसूल संहिता, १९६६ चे कलम १५५, १८२ ,२२० व २५७' अन्वये मागील ५ वर्षांपूर्वी (फेब्रुवारी, २०२१ पासून) क्षेत्रीय महसूल अधिकाऱ्यांनी घेतलेल्या निर्णयांची किंवा जारी केलेल्या आदेशांची चौकशी करण्याबाबत सर्व विभागीय आयुक्तांना कळविण्यात आल्याचे त्यांनी स्पष्ट केले..नाशिक विभागीय आयुक्तांनी शासनास सादर केलेल्या चौकशी अहवालातील शिफारशीनुसार अनियमितता झालेल्या प्रकरणांची मोठ्या प्रमाणात असलेली संख्या विचारात घेता, पुणे जिल्ह्यातील अथवा विभागातील अधिकाऱ्यांनी स्वतः तपासून त्याला आवश्यकतेनुसार पुनर्विलोकनात घेणे. सदोष आढळून आलेली सर्व प्रकरणे महाराष्ट्र जमीन महसूल अधिनियमाचे कलम २५७ नुसार पुनरिक्षणात घेणे तसेच पुनरिक्षण करण्याच्या निर्णय घेण्याच्या तारखेपर्यंत जी प्रकरणे ५ वर्षांपेक्षा जास्त कालावधी झालेली असतील अशी उर्वरित प्रकरणे शासनाच्या पूर्वमान्यतेने पुनरिक्षणात घेण्याबाबत पुणे जिल्हाधिकाऱ्यांना शासन पत्र १० मार्च, २०२६ अन्वये कळविण्यात आले आहे..त्यानुसार पुणे जिल्हाधिकाऱ्यांनी २७ मार्च, २०२६ आदेशान्वये सदोष आढळून आलेली सर्व प्रकरणे १९६६ चे कलम २५७ नुसार पुनरीक्षणात घेणेकामी सर्व उपविभागीय अधिकाऱ्यांना कळविणेत आले आहे. याबाबतची कार्यवाही उपविभागीय अधिकारी स्तरावर सुरु असल्याचे लेखी उत्तरात नमूद करण्यात आले आहे..१३ प्रकरणे अतिगंभीर, फौजदारी गुन्हे दाखल करणार अतिगंभीर १३ प्रकरणांत दोषी अधिकारी आणि कर्मचाऱ्यांवर विभागीय चौकशीसोबतच फौजदारी गुन्हे दाखल करण्याची समितीने शिफारश केली आहे. या प्रकरणांमध्ये जबाबदार असणाऱ्या १५ अधिकारी आणि कर्मचाऱ्यांना २५ मार्च २०२६ रोजीपासून तातडीने सक्तीच्या रजेवर पाठविण्यात आले आहे, असे मंत्री बावनकुळे यांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
