Monsoon Benefits: सातारा जिल्ह्याच्या पश्चिम भागात सुरू असलेल्या मुसळधार आणि संततधार पावसामुळे ग्रामीण भागातील शेती क्षेत्राला मोठा दिलासा मिळाला आहे. पावसाने दडी मारल्यामुळे शेतकरी चिंतेत होते आणि पेरण्या खोळंबल्या होत्या. मात्र, आता झालेल्या जोरदार हजेरीमुळे खरिपाच्या रखडलेल्या पेरण्या आणि टोकणीच्या कामांना वेग येणार आहे. .या मुसळधार पावसामुळे जिल्ह्यातील प्रमुख जलस्त्रोत असलेल्या धरणांच्या जलसाठ्यात वाढ होण्याची दाट शक्यता निर्माण झाली आहे, ज्यामुळे आगामी काळातील शेतीच्या पाण्याचा प्रश्न मिटण्यास मदत होणार आहे..Satara Rain Update: सातारा जिल्ह्यात दमदार पाऊस.जिल्ह्यातील विविध तालुक्यांमध्ये या पावसामुळे शेतीचे चित्र वेगाने बदलत असून धरणा पाणलोट क्षेत्रात संततधार सुरू आहे. महाबळेश्वर तालुक्यात झालेल्या मुसळधार पावसामुळे प्रसिद्ध वेण्णा तलावाच्या पाणीपातळीत लक्षणीय वाढ झाली आहे,.Satara Rain Update: सातारा जिल्ह्यात अनेक ठिकाणी पावसाची हजेरी.ज्यामुळे आजूबाजूच्या परिसरातील भूजल पातळी सुधारण्यास मदत होईल. कांदाटी खोरे, बामणोली, तापोळा आणि कास पठार परिसरामध्ये पावसाचा जोर वाढल्याने या भागातील ओढे आणि नाले ओसंडून वाहू लागले असून कोयना नदीच्या पाणीपातळीतही मोठी वाढ झाली आहे. .या पाण्याच्या उपलब्धतेमुळे शेतकऱ्यांनी खरीप हंगामातील भात, सोयाबीन आणि इतर पिकांच्या पेरण्या तातडीने सुरू केल्या आहेत. अनेक ठिकाणी आडसाली ऊस लागवडीची कामेही वेगात सुरू झाली असून, पावसाच्या पाण्याची उपलब्धता वाढल्यामुळे काही भागांत आगाप भाताच्या रोपांची लावणी पूर्ण झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
