Kolhapur News: मे महिन्यापासून नोव्हेंबरपर्यंत सतत झालेल्या पावसाचा फटका महाराष्ट्र-कर्नाटक सीमाभागात पिकणाऱ्या संकेश्वरी मिरचीला बसला आहे. विविध बाजार पेठांत यंदाच्या हंगामात मिरचीच्या आवकेत सुमारे पंचवीस टक्क्यांनी घट झाली आहे..यंदा लागवडीत घट नसली तरी वाफशाचा अभाव व सातत्याने पावसाळी हवामानामुळे ओलावा कायम राहिल्याने विषाणूजन्य रोगांचा प्रादुर्भाव झाल्याने मिरचीच्या उत्पादनात गेल्या वर्षीच्या तुलनेत घट होत असल्याचे मिरची उत्पादकांनी सांगितले..Kharif Chilli Crop : खरिपातील मिरची उत्पादन घटणार, शेतकरी मका, कापूस पिकाकडे वळले.कर्नाटक सीमाभागातील काही गावांत जवारी संकेश्वरी या स्थानिक जातीच्या मिरचीचे उत्पादन घेतले जाते. गडहिंग्लजच्या अनेक भागांत ऊस, भाताबरोबरच जवारी मिरची घेतली जाते. पारंपरिक पद्धतीने बियाणे वापरून हे पीक घेतले जात असल्याने मिरची चवदार व तिखटाला ठसकेदार असते. यामुळे ही मिरची राज्यात प्रसिद्ध आहे..Chilli Disease: मिरचीवरील ब्लॅक थ्रिप्स.साधारणतः जुलै-ऑगस्टच्या दरम्यान या मिरचीची लागवड होते. मिरचीला चांगली मागणी असल्याने याचे दर इतर मिरचीपेक्षा नेहमीच चढे असतात. वजनाला हलकी असली तरी लांब असल्याने मिरचीची आकर्षकता जास्त असते. यामुळे याचे दर इतर मिरचीपेक्षा दुपटी तिपटीपर्यंत असतात..गडहिंग्लज भागातील शेतकरी उसाबरोबर पाच दहा गुंठ्यांपासून ते एक एकरापर्यंत मिरची लागवड करणाऱ्यांची संख्या अधिक आहे. जे अल्पभूधारक आहेत त्यांनाही मिरचीतून चांगले रक्कम मिळते. या भागातील जमीन निचरा होणारी असल्याने मिरचीला पोषक आहे. पावसामुळे यंदा मात्र उत्पादकांचे पूर्ण गणितच बिघडून गेले. यामुळे दर चांगले असून ही उत्पन्न घटल्याने त्याचा फायदा घेता आला नाही.संकेश्वरी मिरची दर : सध्या प्रति क्विंटलला १ लाख २० हजार ते १ लाख ६० हजार रुपयांपर्यंत दर मिळत आहे. .आद्रता वाढल्यामुळे मिरची उत्पादक प्रदेशात थ्रिप्सचा प्रादुर्भाव झाला. याचा विपरीत परिणाम मिरचीच्या वाढीवर झाला आहे.प्रा. नितीन दलाल, प्रभारी अधिकारी, कृषी संशोधन केंद्र गडहिंग्लज.सतत पडणाऱ्या पावसामुळे मिरचीची लागवड उशिरा झाली. वाफसा स्थिती नसल्याने वाढीला वावच मिळाला नाही. यातच रोगाचे प्रमाण वाढल्याने उत्पादनात पंचवीस टक्क्यांपर्यंत घट झाली आहे.रामगोंडा हलिगोंडा, मिरची उत्पादक, माद्याळ, ता. गडहिंग्लज, जि. कोल्हापूर.यंदाचा हंगाम सप्टेंबरला सुरू झाला. पावसामुळे आवक फार नाही. गेल्या वर्षीच्या तुलनेत आवक घटली आहे. जानेवारीपर्यंत हंगाम चालेल. या कालावधीपर्यंत आवकेत फारशी वाढ होईल, अशी शक्यता नाही. दर मात्र चांगले आहेत.राजू जाधव, व्यापारी, गडहिंग्लज, बाजार समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
