Solapur News: दुष्काळाशी दोन हात करणाऱ्या आणि शेतीत नवनवीन प्रयोग करणाऱ्या सांगोला तालुक्यातील शेतकऱ्याने आता महाबळेश्वरची ओळख असलेली ‘स्ट्रॉबेरी’ आपल्या कडाक्याच्या उन्हात यशस्वीपणे फुलवली आहे. तालुक्यातील एखतपूर येथील महिला शेतकरी अपर्णा नवले यांनी गेल्या चार वर्षांपासून स्ट्रॉबेरीची यशस्वी लागवड करून परिसरातील शेतकऱ्यांसमोर एक आदर्श ठेवला आहे..सांगोला तालुका एकेकाळी डाळिंबाचे आगर म्हणून ओळखला जात असे. मात्र विविध रोगांच्या प्रादुर्भावामुळे डाळिंब क्षेत्र घटले आहे. अशा स्थितीत अपर्णा नवले यांनी धाडसी निर्णय घेत थंड हवेतील स्ट्रॉबेरीची लागवड उष्ण हवामानाच्या सांगोल्यात केली. अवघ्या १० गुंठे क्षेत्रात ‘विंटर डॉन’ या वाणाची तीन हजार रोपे त्यांनी लावली. .Strawberry Farming: स्ट्रॉबेरी उत्पादनासह थेट विक्री मॉडेल.सांगली येथून आठ रुपये प्रति रोप या दराने आणली होती. ऑगस्ट महिन्यात गादीवाफ्यावर मल्चिंग पेपर आणि ठिबक सिंचनाचा वापर करून ही लागवड करण्यात आली. उन्हाच्या चटक्यामुळे फळांवर पिवळे डाग पडू नयेत म्हणून संपूर्ण पिकाला सावलीची व्यवस्था केली आहे. तसेच चिकटा रोखण्यासाठी आठवड्यातून एकदा फवारणी केली जाते..Strawberry Farming: भीमाशंकरमध्ये स्ट्रॉबेरीचा बहर! शेतकऱ्यांचा यशस्वी प्रयोग.लागवडीनंतर ५० दिवसांत फळे विक्रीसाठी उपलब्ध झाली. नोव्हेंबरच्या मध्यापासून सुरू झालेला हा हंगाम फेब्रुवारी अखेरपर्यंत चालतो. सध्या स्थानिक सांगोला मार्केटमध्ये या स्ट्रॉबेरीची विक्री होत असून, २०० ग्रॅमच्या पनेटला २० रुपये दर मिळत आहे. विशेष म्हणजे महाबळेश्वरच्या स्ट्रॉबेरी आणि सांगोल्याच्या स्ट्रॉबेरीच्या चवीत कोणताही फरक नसल्याचे ग्राहकांचे म्हणणे आहे..कुटुंबीयांसोबत महाबळेश्वरला फिरायला गेले असताना, तेथील स्ट्रॉबेरीची शेती पाहिली आणि आपणही हे आपल्या शेतात का करू नये, असा विचार मनात आला. गेल्या चार वर्षांपासून मी अल्प क्षेत्रावर याची लागवड करत आहे. कमी कालावधी, कमी खर्च आणि कमी फवारणीत भुसार पिकांच्या तुलनेत हे पीक चांगले उत्पन्न देऊन जाते.-अपर्णा नवले, महिला शेतकरी, एखतपूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
