Water Reservoir Levels: सांगली जिल्ह्यातील मध्यम व लघु प्रकल्पांत ३ हजार ९२५ दशलक्ष घनफूट इतका पाणीसाठा आहे. त्यापैकी २ हजार ३७५ दशलक्षघनफूट म्हणजे ३१ टक्के इतका उपयुक्त पाणीसाठा आहे. पंधरा दिवसांत ७ टक्क्यांनी पाणीसाठा घटला आहे. .गेल्या पाच महिन्यांत जिल्ह्यातील प्रकल्पांमधील पाणीसाठा तब्बल ६० टक्क्यांनी घटला आहे. यामुळे यंदा मे महिन्यात जिल्ह्यात पाणी टंचाई मोठ्या प्रमाणात जाणवण्याची शक्यता आहे. जिल्ह्यात मध्यम पाच व लघू ७८ असे एकूण ८३ प्रकल्पाची संख्या आहे. जिल्ह्यातील एकूण ८३ प्रकल्पांत नोव्हेंबरअखेरीस ९१ टक्के पाणीसाठा होता. तो फेब्रुवारीमध्ये ६३ टक्के होता. त्यानंतर गेल्या दोन महिन्यात आणखी ३३ टक्क्यांनी पाणीसाठा घटला आहे. .Water Levels Drop: महाड तालुक्यात जलसाठा तळाला.उन्हाचा वाढता तडाखा लक्षात घेता पाणीसाठा आणखी कमी होण्याची शक्यता आहे. अद्याप जिल्ह्यात एकही टँकर सुरू नसला तरी सध्या तीन टँकरची मागणी करण्यात आली आहे. सध्याचे तीव्र उष्णतामान आणि पाणी प्रकल्पांमधील घटलेला पाणीसाठा पाहता टँकरची मागणी मे महिन्यात वाढण्याची शक्यता आहे. त्यामुळे मे-जून महिन्यात दुष्काळी भागात पाणी टंचाईची झळ जाणवण्याची दाट शक्यता आहे..Water Levels Drop: आठवडाभरात लघू प्रकल्पांत दोन टक्के, मध्यम प्रकल्पांत तीन टक्के घट.टंचाई आराखड्यात सज्जताजिल्हा परिषदेने जूनपर्यंतचा टंचाई आराखडा तयार केला आहे. त्यानुसार ऐन उन्हाळ्यात १९७ गावांना टंचाईच्या झळा जाणवण्याची शक्यता आहे. यामध्ये जानेवारी ते मार्च अखेरच्या टप्प्यात ३७ गावांना पाणी टंचाई जाणवू शकते, असा अंदाज व्यक्त केला आहे. एप्रिल ते जूनअखेरच्या दुसऱ्या टप्प्यात १६० गावांना पाणी टंचाई भासण्याची शक्यता आहे. यात ५९ गावे आणि ३१२ वाड्यांना टँकरने पाणीपुरवठा करावा लागू शकतो. टंचाई आराखड्यासाठी ३४ कोटी ८० लाख रुपयांची तरतूद करण्यात आली आहे. यामध्ये उपसा सिंचन योजनांच्या वीज बिलासाठी ३० कोटींची तरतूद करण्यात आली आहे..गतवर्षीपेक्षा ८ टक्के अधिक साठागतवर्षीच्या तुलनेत एप्रिलअखेरीस आठ टक्के पाणीसाठा जास्त आहे. मात्र गतवर्षी मे महिन्यापासूनच पावसाला प्रारंभ झाल्यामुळे टंचाईची झळ जाणवली नाही. जिल्ह्यात गतवर्षी सरासरीपेक्षा अधिक पाऊस झाला होता. सर्व धरणे, तलाव पूर्ण क्षमतेने भरले होते. पूरसदृश्य स्थिती निर्माण झाली होती, तरीही यंदा मे महिन्यात पाऊस झाला नाही तर मेच्या मध्यापासून दुष्काळी भागात पाणी टंचाईची झळ सुरू होईल, असे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
