Water Storage Drop: सांगली जिल्ह्यात गेल्या काही दिवसांपासून वाढलेल्या उष्णतेचा परिणाम प्रकल्पांतील पाणीसाठ्यावर प्रकर्षाने जाणवू लागला आहे. केवळ गेल्या पंचवीस दिवसांत ८३ लघू व मध्यम प्रकल्पांतील पाणीसाठा तब्बल ७२१ दशलक्ष घनफुटांनी घटला असून, टक्केवारीत ही घट सुमारे ९ टक्क्यांपर्यंत पोहोचली आहे. त्यामुळे उन्हाळ्याच्या तोंडावरच पाणीटंचाईची झळ तीव्र होण्याची चिन्हे दिसत आहेत..जिल्ह्यात एकूण ५ मध्यम व ७८ लघू असे ८३ प्रकल्प असून, त्यांची एकूण साठवण क्षमता ९ हजार ३५३ दशलक्ष घनफूट आहे. सध्या या प्रकल्पांमध्ये ४ हजार ४७८ दशलक्ष घनफूट इतका एकूण पाणीसाठा उपलब्ध असला, तरी त्यापैकी उपयुक्त पाणीसाठा केवळ २ हजार ९३५ दशलक्ष घनफूट इतकाच उरला आहे. गतवर्षी सरासरीपेक्षा अधिक पावसामुळे सर्व प्रकल्प शंभर टक्के भरले होते. मात्र मार्चपासून तापमानात सातत्याने वाढ झाल्याने बाष्पीभवनाचे प्रमाण वाढले असून, त्याचा थेट परिणाम जलसाठ्यावर होत आहे..Water Levels Drop: नांदेड जिल्ह्यातील प्रकल्पांतील पाणीसाठ्यात झपाट्याने घट.मार्च महिन्याच्या मध्यावर ३ हजार ६५६ दशलक्ष घनफूट म्हणजे ४७ टक्के इतका होता. या कालावधीत १७ प्रकल्पांत २५ टक्क्यापेक्षा कमी पाणीसाठा होता. तर ५० ते २५ टक्क्यांपर्यंत ३३ प्रकल्पात पाणीसाठा होता. एक प्रकल्प कोरडा होता..Water Levels Drop: जलसंकटाची चाहूल! देशातील प्रमुख धरणांतील पाणीसाठा ४५ टक्क्यांच्या खाली.गेल्या महिन्यापासून वाढत्या उन्हामुळे काही भागांत पाणीपातळी झपाट्याने खालावत आहे. सद्यःस्थितीला ८३ प्रकल्पांत २ हजार ९३५ दशलक्ष घनफूट पाणीसाठा आहे. अर्थात गेल्या पंचवीस दिवसांत ७२१ दशलक्ष घनफूट म्हणजे ९ टक्क्यांनी पाणीसाठा कमी झाला आहे..जिल्ह्यातील दुष्काळी भागाला वरदान ठरलेल्या ताकारी, टेंभू आणि म्हैसाळ उपसा सिंचन योजनेचे आवर्तन सुरू आहे. हे प्रकल्प या योजनेतून भरून दिले तर पाणीटंचाईची झळ कमी होण्यास मदत होईल. मात्र, या आवर्तनातून या सिंचन योजनेच्या लाभ क्षेत्रात असलेले प्रकल्पात पाणी सोडण्यास पाटबंधारे विभागाने नियोजन केले नसल्याचे चित्र आहे. त्यामुळे योजनेतून हे प्रकल्प भरून द्यावेत, अशी मागणीही शेतकरी करू लागले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
