Sangli News : जिल्ह्यात फळ पिकांचे क्षेत्र वाढते आहे. शेतकरी सेंद्रिय फळाचे दर्जेदार फळांचे उत्पादन घेत आहे. हा फळ महोत्सव शेतकऱ्यांसाठी महत्त्वा ठरत असून विक्रीची साखळी निर्माण होत आहे. शेतकऱ्यांना हक्काची बाजारपेठ उपलब्ध झाली आहे, असे मत जिल्हाधिकारी अशोक काकडे यांनी व्यक्त केले..सांगली येथील बाजार समितीत महाराष्ट्र राज्य कृषी पणन मंडळ व कृषी उत्पन्न बाजार समिती यांच्या संयुक्त विद्यमाने सांगली फळ महोत्सवाचे उद्घाटन शुक्रवारी (ता. १९) श्री. काकडे यांच्या हस्ते झाले. या वेळी जिल्हा परिषदेचे मुख्य कार्यकारी अधिकारी विशाल नरवाडे, जिल्हा अधीक्षक कृषी अधिकारी विवेक कुंभार, बाजार समितीचे उपसभापती रावसाहेब पाटील, संचालक संग्राम पाटील यांच्यासह शेतकरी उपस्थित होते..Fruit Festival : फळ महोत्सवांमुळे शेतकऱ्यांना हक्काची बाजारपेठ उपलब्ध होईल.श्री. काकडे म्हणाले, की जिल्ह्यातील शेतकरी प्रयोगशील आहेत. जत तालुक्यात पेरू, ड्रॅगनफ्रूट अशा फळांची लागवड वाढत आहे. या तालुक्यासह अन्य तालुक्यातही फळांची लागवड वाढली आहे. शेतकरी प्रगोय करून निर्यातक्षम फळांचे उत्पादन घेत आहेत, अशा शेतकऱ्यांना सन्मान केला पाहिजे. त्यामुळे शेतकऱ्यांना प्रोत्साहन मिळेल. शेतकऱ्यांना शेतकरी ते ग्राहक हा उपक्रम चांगला आहे..Fruit Festival : फळ महोत्सवाने कृषी क्षेत्राला नवी ऊर्जा .श्री. कुंभार म्हणाले, की जिल्ह्यातील शेतकऱ्यांचा कल सेंद्रिय शेतीकडे वाढला आहे. सेंद्रिय शेतीसाठी कृषी विभागाकडून शेतकऱ्यांना मदतीचा हात देऊ. सेंद्रिय शेतीचे क्षेत्र वाढवण्यासाठी शेतकऱ्यांच्या बांधावर जाऊन त्यांना मार्गदर्शन करण्याचे नियोजन करू. .पणन मंडळाचे उपसव्यवस्थापन डॉ. सुभाष घुले म्हणाले, की हा महोत्सव तीन दिवस सुरू राहणार असून यामध्ये शेतकऱ्यांनी ड्रॅगन फ्रूट, देशी केळी, पेरू, सीताफळ विक्रीसाठी आले आहेत. जिल्ह्यात हंगामानुसार फळ महोत्सवाचे आयोजन केले जाणार आहे. तसेच पणन विभाग राज्यभर फळ महोत्सव भरवला जातो. या महोत्सवात जिल्ह्यातील शेतकऱ्यांना सहभाग घेण्यासाठी प्रोत्साहित करणार आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
