Farming Support: सांगली जिल्ह्यात खरीप, रब्बी हंगामात चारा पिकांची मोठ्या प्रमाणात लागवड झाली. तसेच जिल्हा नियोजन समितीमार्फत पशुसंवर्धन विभागाकडून चारा बियाण्यांचे वाटप केले आहे. त्यामुळे जिल्ह्यात सुका आणि ओला चारा मुबलक प्रमाणात उपलब्ध असून, सद्यःस्थितीला ३ कोटी ५७ लाख ३३९४२ टन इतका चारा आहे. जत तालुक्यात सर्वाधिक चारा आहे. त्यामुळे जिल्ह्यात चाराटंचाई भासणार नसल्याचे पशुसंवर्धन विभागाने सांगितले आहे..जिल्ह्यात शेतीबरोबरच दुग्ध व्यवसाय मोठ्या प्रमाणात शेतकरी करत आहेत. दुधाचे अर्थकारणही मोठे आहे. जिल्ह्यात लहान १,५६,३७७, मोठी ६,६२,३८१ तर शेळ्या मेंढ्या ५,८४,८७९ असे एकूण १४ लाख ३ हजार ६३३ जनावरांची संख्या आहे. जत तालुक्यात सर्वाधिक जनावरे आहेत. .गतवर्षी जिल्ह्यात सरासरीपेक्षा अधिक पाऊस झाला होता. या पावसामुळे शेतकऱ्यांना दिलासा मिळाला. वास्तविक पाहता, उन्हाळ्यात चाऱ्याची टंचाई भासू नये यासाठी खरीप आणि रब्बी हंगामात चारा पिकाची लागवड केली जाते. यामध्ये मका, ज्वारी ही प्रमुख पिके शेतकरी घेतात..Fodder Availability : सांगलीत ९ लाख टन चाऱ्याची उपलब्धता.जिल्ह्यात दरवर्षी जिल्हा नियोजन समितीमार्फत पशुसंवर्धन विभागामार्फत शंभर टक्के अनुदान (मोफत) चारा बियाणे शेतकऱ्यांना बियाणे वाटप केले जाते. यंदा जिल्ह्यातील १३ हजार ५०० शेतकऱ्यांना २ लाख १० हजार किलो चारा बियाणे वाटप केले आहे..Fodder Availability: मुबलक चाऱ्यामुळे पशुपालकांची चिंता मिटली .त्यामुळे खरीप, रब्बी हंगामाबरोबरच पशुसंवर्धन विभागाने वाटप केलेले चारा बियाण्यांची शेतकऱ्यांनी लागवड केला आहे. उन्हाळी हंगामात चारा पिकाची २ हजार ५७६ हेक्टरवर लागवड केली आहे. त्यामुळे यंदा उन्हाळ्यात चाऱ्याची टंचाई भासणार नसल्याचे चित्र आहे..वास्तविक पाहता, दुष्काळी भागात काही अंशी पाणीटंचाई भासू लागली आहे. पाणी टंचाईची झळ वाढू नये यासाठी सिंचन योजनांचे आवर्तनही सुरू आहे. त्यामुळे चारा पिकास पाणी उपलब्ध होत असल्याने चारा पिकांची वाढही चांगली आहे. मात्र, पाणीटंचाईची झळ वाढल्यास चारा पिके धोक्यात येण्याची शक्यताही असल्याचे संबंधित विभागाच्या अधिकाऱ्यांनी सांगितले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
