Agriculture Department Action: खरीप हंगामात शेतकऱ्यांना गुणवत्तापूर्ण व दर्जेदार खते वेळेत उपलब्ध व्हावीत, यासाठी सांगली जिल्हा कृषी विभागाने विशेष मोहीम हाती घेतली आहे. जिल्ह्यात खतांचा कृत्रिम तुटवडा, काळाबाजार, साठेबाजी आणि लिंकिंग प्रकार रोखण्यासाठी कडक तपासणी सुरू असून, ई-पॉस तफावत आढळलेल्या ६५ निविष्ठा विक्री केंद्रांना नोटीस बजावण्यात आली आहे. तसेच १४ परवाने निलंबित करण्यात आले आहेत, अशी माहिती जिल्हा अधीक्षक कृषी अधिकारी विवेक कुंभार यांनी दिली..श्री. कुंभार म्हणाले, की कृषी निविष्ठा केंद्राची तपासणी करण्यासाठी जिल्हास्तरीय एक भरारी पथकाची स्थापन केली आहे. यामध्ये दहा गुणनियंत्रण निरीक्षक कार्यरत आहे. सद्यःस्थितीत जिल्ह्यात खत उपलब्धता पुरेशा प्रमाणात आहे. शेतकऱ्यांनी अफवांवर विश्वास ठेऊ नये, कृषी निविष्ठा केंद्राची तपासणीही केली केली आहे. .Use of Fertilizer: रासायनिक खतांचा कार्यक्षम वापर कसा करावा?.जिल्ह्यात सध्या खतांचा पुरेसा साठा उपलब्ध असून शेतकऱ्यांनी कोणत्याही अफवांवर विश्वास ठेवू नये. खरीप हंगामात विशेषतः जून महिन्यात खतांची गरज अधिक असते. त्या पार्श्वभूमीवर एप्रिल-मे महिन्यातच खतांचा पुरेसा साठा करून ठेवण्यावर भर दिला जात आहे..Fodder Availability: मुबलक चाऱ्यामुळे पशुपालकांची चिंता मिटली .ते पुढे म्हणाले, शेतकऱ्यांना खतासोबत इतर खते किंवा निविष्ठा खरेदी करण्याची सक्ती म्हणजेच लिंकिंग होऊ नये, अधिकृत विक्री किंमतीपेक्षा जादा दराने युरिया खताची विक्री टाळावी, तसेच विक्रेत्यांनी विक्रीसाठी उपलब्ध साठा आणि त्याचे दर दर्शनी भागात लावावेत, अशा सूचनाही देण्यात आल्या आहेत. सर्व निविष्ठा सुस्थितीत ठेवणे आणि ई-पॉस यंत्रणेद्वारे पारदर्शक विक्री याबाबत दक्षता घेतली जात आहे. अनुदानित रासायनिक खतांचा विशेषतः युरियाचा अकृषक वापर, काळाबाजार आणि साठेबाजी यावर मोहीम स्वरूपात तपासणी सुरू आहे..या पंधरवड्यात इ-पॉसची तपासणी केली. यादरम्यान, इ-पॉस तफावत असलेल्या ६५ निविष्ठा विक्री केंद्रांना नोटीस बजावलेल्या असून १४ परवाने निलंबित केले आहेत. शेतकऱ्यांच्या तक्रारींचे तत्काळ निवारण करण्यासाठी जिल्हा स्तरावर तक्रार निवारण कक्षाची स्थापना केली आहे. कृषी विभागाने शेतकऱ्यांनी कोणत्याही गैरप्रकाराची माहिती देण्यासाठी व्हॉट्सॲप क्रमांक ९८२२४४६६५५ या क्रमांकावर द्यावी, असेही श्री. कुंभार यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
