Sangli News : जिल्ह्यात गेल्या दोन दिवसांपासून पाऊस सुरू असला तरी, अद्याप कोणत्याही भागात पिकांचे नुकसान झालेले नाही. ज्या मंडलांत अतिवष्टी झाली आहे, तेथील पिकांचे सर्वेक्षण सुरू करण्यात आले आहे. दुष्काळी भागात हा पाऊस खरिपातील पिकांना उपयुक्त ठरत असल्याची माहिती कृषी विभागाने दिली..जिल्ह्यात ऑगस्टच्या मध्यापर्यंत पावसाने उसंत घेतली होती. त्यामुळे खरिपातील पिके वाया जाण्याची भीती शेतकऱ्यांमध्ये निर्माण झाली होती. जिल्ह्यात गेल्या दोन दिवसांपासून पाऊस सुरू झाला असल्याने शेतकऱ्यांना दिलासा मिळाला आहे. जिल्ह्यात चोवीस तासांत २२.५ मिलिमीटर पावसाची नोंद झाली आहे. सर्वाधिक पाऊस शिराळा तालुक्यात झाला..Pune Heavy Rainfall: मुळशी धरण क्षेत्रात सर्वाधिक २१० मिमी पावसाची नोंद.शिराळा तालुक्यातील चार मंडलांत अतिवष्टी झाली. या तालुक्यांत भात पीक घेतले जाते. परंतु या पावसामुळे भात पिकाचे सद्यःस्थितीला नुकसान झाले नाही. इतर तालुक्यातील मंडलांत ८ मिलिमीटर ते ४६ मिलिमीटरपर्यंत पाऊस झाला आहे. भाजीपाल्याचे सुमारे ५ ते १० टक्के नुकसान होण्याचा अंदाज शेतकऱ्यांनी व्यक्त केला आहे. .डाळिंब पिकावर तेलकट रोगाचा प्रादुर्भाव होण्याची शक्यता आहे. आटपाडी, जत, कवठेमहांकाळ, खानापूर, विटा आणि कवठेमहांकाळ या दुष्काळी तालुक्यांतही पावसाने हजेरी लावली आहे. या पावसाने खरीप हंगामातील पिकांना नवसंजीवनी मिळाली आहे. .या पावसामुळे शेतकऱ्यांना दिलासा मिळाला आहे. शिराळा तालुक्यातील चरण सोंडोली, आरळा शित्तुर, बिळाशी भेडसगाव, मांगले सावर्डे, मांगले कांदे, कांदे सावर्डे हे पूल पाण्याखाली गेले आहेत. .Kolhapur Heavy Rainfall: कोल्हापूर जिल्ह्यात अतिवृष्टीमुळे अनेक मार्ग बंद .संभाव्य पूरस्थितीसाठी प्रशासन सज्जसांगलीत कृष्णा नदीतील पाणी पातळीत सातत्याने वाढ होत आहे. या पार्श्वभूमीवर संभाव्य आपत्तीचा मुकाबला करण्यासाठी प्रशासन सज्ज असून नागरिकांनी प्रशासनामार्फत देण्यात येणाऱ्या सूचनांचे पालन करावे. जिल्हा प्रशासन व जिल्हा आपत्ती व्यवस्थापन कक्ष संबंधित सर्व यंत्रणा व नियंत्रण कक्षाच्या नियमित संपर्कात आहे, असे जिल्हाधिकारी अशोक काकडे यांनी सांगितले. जिल्ह्यात मंगळवारी (ता. १९) सकाळपर्यंतच्या २४ तासांत पडलेला तालुकानिहाय पाऊस मिमीमध्ये मिरज २२, जत १३.३, खानापूर-विटा १५.९, वाळवा-इस्लामपूर ३०.७, तासगाव १७.५ शिराळा ५९.१, आटपाडी ११.५, कवठेमहांकाळ १३.१, पलूस १८.६, कडेगाव १६.४.अतिवृष्टी झालेल्या मंडलांतील पाऊस (मिमी)कोकरुड ६६.३शिराळा ६५.५मांगले ६५.५शिगाव ६७.७.जिल्ह्यात दोन दिवसांपासून पाऊस सुरू झाला आहे. दुष्काळी पट्ट्यात हा पाऊस उपयुक्त ठरत असून जिल्ह्याच्या पश्चिम भागात अतिवृष्टी झाली आहे. या पावसामुळे अशा भागात सर्वेक्षण सुरू केले आहे.- धनाजी पाटील, कृषी उपसंचालक, जिल्हा अधीक्षक कृषी कार्यालय, सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
