Sangli Agriculture Issues: सांगली जिल्ह्यात आधीच पाणीटंचाईची झळ बसत असताना आता शेतीपंपाच्या वीज पुरवठ्यात दोन तासांची कपात करण्यात आल्याने शेतकरी संतप्त झाले आहेत. महावितरणने आठ तासांवरून थेट सहा तास वीज पुरवठा सुरू केला आहे. त्यामुळे सिंचनाचे नियोजन कोलमडले असून ऊसासह विविध पिकांसमोर पाण्याचे संकट उभे राहिले आहे. तातडीने पूर्ववत आठ तास वीज पुरवठा सुरू करावा, अन्यथा तीव्र आंदोलन छेडू, असा इशारा शेतकऱ्यांनी दिला आहे..जिल्ह्यात यंदा गाळपासाठी जाणाऱ्या उसाचे क्षेत्र सुमारे १ लाख २५ हजार हेक्टर इतके आहे. मात्र, वाढत्या उष्णतेमुळे पाण्याची उपलब्धता कमी झाली असून कालव्याच्या पाण्याच्या पाळ्या विलंबाने येत आहेत. त्यामुळे शेतकऱ्यांचे सिंचनाचे नियोजन आधीच विस्कळीत झाले आहे. अशा परिस्थितीत महावितरणने शेतीपंपाच्या वीज पुरवठ्यात कपात केल्याने शेतकऱ्यांच्या अडचणीत आणखी भर पडली आहे..Electricity Supply Issues: वीजकपातीमुळे शेतकरी अडचणीत.यापूर्वी शेतीसाठी दिवस आणि रात्र अशा दोन सत्रांमध्ये आठ तास वीज पुरवठा केला जात होता. उपलब्ध वेळेत शेतकऱ्यांना पिकांना पाणी देण्याचे नियोजन करावे लागत होते. मात्र, सध्या आठ तासांचा पुरवठा असतानाही वारंवार वीज खंडित होत असल्याच्या तक्रारी आहेत. त्यातच आता थेट दोन तासांची कपात केल्याने केवळ सहा तास वीज मिळणार असल्याचा संदेश महावितरणकडून शेतकऱ्यांच्या मोबाईलवर पाठविण्यात आला आहे..Agriculture Electricity Issue: खंडित वीजपुरवठ्याने सिंचनात अडचणी.दरम्यान, उन्हाळी पिकांसह खरीप हंगामाच्या पेरणीपूर्व तयारीला वेग आला असताना वीज कपातीचा निर्णय घेण्यात आल्याने शेतकरी संतप्त झाले आहेत. सोशल मीडियावरून महावितरणविरोधात नाराजी व्यक्त केली जात असून आठ तास वीज पुरवठा पूर्ववत करण्यासाठी निवेदनेही दिली जात आहेत. मागणी मान्य न झाल्यास आंदोलन करण्याची तयारी शेतकरी करू लागले आहेत..यंदा गाळपाला जाणारा ऊस मोठ्या प्रमाणात आहे. आधीच पाण्याची कमतरता असताना आता वीज पुरवठाही दोन तासांनी कमी केला आहे. त्यामुळे उसाला पाणी कसे द्यायचे, हा मोठा प्रश्न निर्माण झाला आहे. महावितरणने तातडीने आठ तास वीज पुरवठा सुरू करावा.तात्यासो नागावे, शेतकरी, खटाव (ता. पलूस).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
