Sangli News: सांगली जिल्ह्यातील ७ लाख ५१ हजार ५२३ शेतकऱ्यांपैकी ४ लाख ९९ हजार ४९२ शेतकऱ्यांनी ॲग्रीस्टॅक ॲपमध्ये नोंदणी केली आहे. म्हणजे एकूण शेतकऱ्यांच्या ६६ टक्के शेतकऱ्यांनी नोंदणी केली असून २ लाख ५२ हजार ९८८ शेतकऱ्यांनी ॲग्रीस्टॅक ॲपमध्ये नोंदणीच केली नाही. परिणामी कर्जमाफीस अडथळे निर्माण होणार आहे..जिल्ह्यात ७ लाख ५१हजार ५२३ खातेदारांची संख्या आहे. कृषी क्षेत्रात डिजिटल सेवांचा वापर करून शासनाच्या विविध योजना गतीने व परिणामकारक लाभ शेतकऱ्यांना देण्याच्या उद्देशाने ॲग्रीस्टॅक योजना राबवली जात आहे..AgriStack Scheme: ९६ हजार खातेदार ‘ॲग्रीस्टॅक’पासून अद्याप दूरच .यासाठी ग्राम महसूल अधिकारी (तलाठी), ग्रामसेवक आणि कृषी सहाय्यक यांच्या माध्यमातून ॲग्रीस्टॅकची नोंदणी सुरू आहे. जिल्ह्याच्या विविध भागांतील थकीत कर्जदारांचा तपशील गोळा केला जात आहे. सेवा सहकारी संस्था आणि जिल्हा मध्यवर्ती सहकारी बँकेच्या शाखांमार्फत ही माहिती शासनाच्या अधिकृत पोर्टलवर नोंदवली जात आहे, तसेच कर्जबाजारी शेतकऱ्यांना दिलासा देता येईल..परंतु अनेकांनी अद्याप आधारकार्ड, ॲग्रीस्टॅक व संबंधित कागदपत्रे संस्थांकडे जमा केलेली नाहीत. त्यामुळे माहिती अपूर्ण राहत असून ऑनलाइन प्रणालीतील नोंदणी प्रक्रियेत अडथळे निर्माण होत असल्याच्या बँकांच्या तक्रारी आहेत. त्यामुळे कर्जमाफीसाठी ॲग्रीस्टॅकची नोंदणी न केलेल्या शेतकऱ्यांना कर्जमाफीपासून वंचित राहण्याची शक्यता आहे..AgriStack Scheme: ‘अॅग्रीस्टॅक’ची ४ लाख ६९ हजार पैकी ३ लाखांवर शेतकऱ्यांची नोंदणी....तर नोंदणी अडणारज्या थकीत कर्जदार शेतकऱ्यांनी अद्याप आधारकार्ड, ॲग्रीस्टॅक ॲपमध्ये नोंदणी केली नाही, त्यांनी तातडीने सेवा सहकारी संस्था किंवा जिल्हा मध्यवर्ती बँक शाखेशी संपर्क साधावा. माहिती अपूर्ण राहिल्यास शासनाच्या पोर्टलवर शेतकऱ्यांची कर्जमाफीची नोंदणी होऊ शकणार नाही..ॲग्रीस्टॅक ॲपमध्ये नोंदणी झालेले शेतकरीतहसील कार्यालय एकूण शेतकरी संख्या नोंदणी नसलेले शेतकरीमिरज ६५९७६ २३९४२सांगली अपर ५६३४९ ३६३७२तासगाव ७१७४४ १६४८८कवठेमहांकाळ ५०९८७ १०८६५शिराळा ५५०९२ १५३९३ईश्वरपूर ८९२६५ ३६७०५.आष्टा अपर ४०११८ १९४२१पलूस ३६९७६ ८७१५कडेगाव ५४१६८ १७५९७आटपाडी ५३३७२ १७६१३विटा ५६८२५ २२२५७जत ८५१५६ २७६१३संख अपर ३५४९५ ००एकूण ७५१५२३ २५२९८८.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
