Rainfall Deficit: सांगली जिल्ह्यातील मिरज, आटपाडी, जत आणि कवठेमहांकाळ या चारच तालुक्यांत दुष्काळ जाहीर झाला आहे. यामागे पावसाची तूट आणि दोन पावसांतील मोठा खंड निर्णायक ठरला आहे. वाळवा, तासगाव, खानापूर, कडेगाव, शिराळा आणि पलूस तालुक्यांतील बहुतांश भागांत पावसाची तूट आणि पावसाचा मोठा खंड पडला आहे. मात्र, या तालुक्यांत दुष्काळ जाहीर न झाल्याने शेतकरी आक्रमक झाले आहेत. लोकप्रतिनिधीही या तालुक्यांचा दुष्काळग्रस्त यादीत समावेश करावा, अशी भूमिका घेऊ लागले आहेत..जिल्ह्यात सरासरी पर्जन्यमान ८५ टक्के असले, तरी दुष्काळग्रस्त चार तालुक्यांत पावसाची तूट ३० ते ४२ टक्क्यांपर्यंत आहे. जूनमध्ये उशिरा झालेल्या पावसावर पेरण्या झाल्या. त्यानंतर पुन्हा मोठी उघडीप पडल्याने खरीप पिकांचे मोठे नुकसान झाले. त्यामुळे कागदावरील पावसाच्या आकडेवारीपेक्षा शेतातील परिस्थिती अधिक गंभीर असल्याचे चित्र आहे. मिरज, आटपाडी, जत आणि कवठेमहांकाळ या चार तालुक्यांत ‘ट्रिगर एक’ लागू झाला आहे. या तालुक्यांत १२ उपाययोजना करण्यात येणार आहेत..Maharashtra Drought Situation: दुष्काळदाहातील बेपर्वाई.खरीप हंगाम हातातून गेल्याने जिल्ह्यातील १४ लाखांहून अधिक पशुधनासाठी चाराटंचाईचे संकट उभे राहणार आहे. तलाव आणि विहिरींची पाणीपातळी खालावल्याने आगामी काळात पिण्याच्या पाण्यासह जनावरांच्या पाण्यासाठी टँकरची मागणी वाढण्याची शक्यता आहे. शासनाच्या दुष्काळी सवलती मिळाल्या तरी जिरायती शेतकऱ्यांचे एकरी १० ते १२ हजार रुपयांचे नुकसान भरून निघणे कठीण आहे. पाऊस आला; मात्र पिकाच्या गरजेच्या वेळी आला नाही. त्यामुळे यंदाचा खरीप शेतकऱ्यांच्या हातातून निसटला आहे..Maharashtra Drought: आणखी कोणत्या तालुक्यांचा दुष्काळी यादीत समावेश होणार? महसूलमंत्री बावनकुळेंची महत्त्वाची माहिती.पर्जन्यमानाच्या तांत्रिक निकषांमुळे तासगाव तालुका दुष्काळग्रस्त यादीतून वगळला असला, तरी प्रत्यक्षात तालुक्यात दुष्काळसदृश परिस्थिती निर्माण झाली आहे. यंदा पावसाने अपेक्षित साथ न दिल्याने भूजलपातळी, तलाव आणि विहिरींच्या पाणीसाठ्यात वाढ झाली नाही. खरीप पिके उगवली असली, तरी अंतिम टप्प्यात पावसाअभावी पिकांची वाढ खुंटली आहे. रब्बी हंगाम आणि द्राक्ष छाटणीबाबतही शेतकऱ्यांमध्ये चिंता आहे..शिराळा तालुक्यातील शिराळा, मांगले, सागाव, कोकरूड, चरण आणि शिरसी या सहा, तसेच वाळवा तालुक्यातील कासेगाव, चिकुर्डे, कामेरी, कुरळप, पेठ आणि तांदूळवाडी या सहा, अशा एकूण १२ मंडलांतील गावांना दुष्काळग्रस्त म्हणून जाहीर करावे. तसेच कडेगाव आणि पलूस तालुक्यांचा दुष्काळग्रस्त यादीत समावेश करावा, अशी मागणी होऊ लागली आहे..दुष्काळासाठी निकषांवरून नाराजीमिरज, आटपाडी, जत आणि कवठेमहांकाळ या चार तालुक्यांत ‘ट्रिगर एक’ लागू.या चार तालुक्यांत पावसाची तूट ३० ते ४२ टक्क्यांपर्यंत.वाळवा, तासगाव, खानापूर, कडेगाव, शिराळा आणि पलूस तालुके दुष्काळाच्या यादीतून वंचित.१२ मंडलांतील गावांचा दुष्काळग्रस्त यादीत समावेश करण्याची मागणी.१४ लाखांहून अधिक पशुधनासाठी चाराटंचाईचे संकट.खरीप पिकांचे नुकसान झाल्याने रब्बी हंगामाबाबतही शेतकऱ्यांमध्ये चिंता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
